ന്യൂദല്ഹി: രാജ്യത്ത് ഒരിടത്തും കൊവിഡ് വാക്സിന് ക്ഷാമമില്ലെന്ന് കേന്ദ്ര സര്ക്കാര്. വിവിധ സംസ്ഥാനങ്ങള്ക്കായി കേന്ദ്ര സര്ക്കാര് കൈമാറിയ 11.97 കോടി വാക്സിന് ഡോസുകളില് 10.34 കോടി മാത്രമാണ് ഇതുവരെ ഉപയോഗിച്ചത്. സംസ്ഥാനങ്ങളുടെ പക്കല് 1.61 കോടി ഡോസുകള് ബാക്കി നില്ക്കെയാണ് വാക്സിന് ക്ഷാമമെന്ന ആരോപണവുമായി പ്രതിപക്ഷ സംസ്ഥാനങ്ങള് രംഗത്തെത്തിയത്. രണ്ടു കോടിയോളം ഡോസുകള് വിതരണം ചെയ്തു വരികയാണ്. മാണെന്നും കേന്ദ്ര ആരോഗ്യ മന്ത്രാലയം അറിയിച്ചു.
കേരളത്തിന് 56.02 ലക്ഷം ഡോസുകളാണ് ഇതുവരെ നല്കിയത്. ഇതില് 47.64 ലക്ഷം ഡോസുകള് ഉപയോഗിച്ചു. 8.39 ലക്ഷം ഡോസുകള് സംസ്ഥാനത്തിന്റെ പക്കല് ബാക്കിയുണ്ടെന്നാണ് കേന്ദ്രത്തിന്റെ കണക്ക്. ഇതിന് പുറമേ 9.75 ലക്ഷം ഡോസ് വിതരണ ഘട്ടത്തിലാണ്. പേടിക്കാനുള്ള സാഹചര്യം ഇല്ലെന്നിരിക്കെയാണ് കേരളത്തില് വാക്സിനില്ലെന്ന വ്യാജ പ്രചാരണം.
അതേസമയം പല സംസ്ഥാനങ്ങളും വാക്സിന് വലിയ തോതില് പാഴാക്കുന്നുണ്ട്. മഹാരാഷ്ട്ര അഞ്ചു ലക്ഷത്തോളം ഡോസ് വാക്സിന് പാഴാക്കി. കൊവിഡ് വാക്സിനുകള് പാഴാക്കുന്നതില് പഞ്ചാബും രാജസ്ഥാനും തെലങ്കാനയും ഹരിയാനയും ദല്ഹിയും മുന്പിലാണ്. പാഴാക്കാതെ ഉപയോഗിക്കുന്നതില് കേരളവും ഹിമാചലും ഗോവയും മികച്ച മാതൃകയാണെന്ന് കേന്ദ്ര സര്ക്കാര് വിലയിരുത്തി. വാക്സിന് വിതരണത്തിലും പാഴാക്കുന്നതിലും ഏറ്റവും അലംഭാവം കാണിക്കുന്നത് പഞ്ചാബാണ്. ഇതുവരെ 22.5 ലക്ഷം പേര്ക്ക് മാത്രമാണ് വാക്സിന് നല്കിയത്. ഇതിനായി 2 ലക്ഷത്തോളം ഡോസ് വാക്സിന് പാഴാക്കുകയും ചെയ്തു.
ജന്മഭൂമി ഓണ്ലൈന്