ദീസ്പുര് : സബ് കാ സാത്ത് സബ് കാ വികാസ് സബ് കാ വിശ്വാസ് എന്ന മുദ്രാവാക്യത്തോടെ അസമിന്റെ വികസനത്തിനായാണ് എന്ഡിഎ സര്ക്കാര് പ്രാധാന്യം നല്കുന്നത്. അതിനായാണ് പ്രവര്ത്തിക്കുന്നതെന്നും പ്രധാനമന്ത്രി നരേന്ദ്രമോദി. കോക്രാജഹറില് നടന്ന തെരഞ്ഞെടുപ്പ് റാലിയില് ജനങ്ങളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
അധികാരത്തിലേറാനായി കോണ്ഗ്രസ് സ്വയം അടിയറവ് പറഞ്ഞിരിക്കുകയാണ്. സംസ്ഥാനത്ത് സംഘര്ഷം അഴച്ചുവിട്ട പാര്ട്ടിയുമായി കൈകോര്ത്തുകൊണ്ട് അസമില് ഭരണം കൊണ്ടുവരാമെന്നാണ് കോണ്ഗ്രസ് സ്വപ്നം കാണുന്നത്. കോണ്ഗ്രസ് സഖ്യകക്ഷികളുടെ വലിയ നുണകളുമായാണ് ഇവിടെ പ്രചാരണം നടത്തുന്നതെന്നും മോദി കുറ്റപ്പെടുത്തി.
സംസ്ഥാനത്തെ സംഘര്ഷത്തിലേക്ക് നയിച്ച പാര്ട്ടിയുമായാണ് കോണ്ഗ്രസ് ഇപ്പോള് കൈകോര്ത്തിരിക്കുന്നത്. അധികാരിത്തിലേറാനായി പാര്ട്ടി അവര്ക്ക് മുന്നില് അടിയറവ് പറഞ്ഞുകഴിഞ്ഞു. ആദ്യഘട്ട വോട്ടെടുപ്പില് അസമിലെ ജനങ്ങള് എന്ഡിഎയ്ക്ക് മികച്ച പിന്തുണയാണ് നല്കിയത്. അസമിലെ ജനങ്ങള്ക്ക് എന്ഡിഎ സര്ക്കാരിലും അവര് നല്കുന്ന വികസനത്തിലും സുരക്ഷയിലും വിശ്വാസമുണ്ടെന്നും മോദി കൂട്ടിച്ചേര്ത്തു. അസമില് ഇന്ന് രണ്ടാംഘട്ട വോട്ടെടുപ്പാണ്.
