ബംഗളൂരു: കോവിഡ് സ്ഥിരീകരിച്ചതിനെ തുടര്ന്ന് മുന് പ്രധാനമന്ത്രി എച്ച് ഡി ദേവഗൗഡയും ഭാര്യയും സ്വയം നിരീക്ഷണത്തില് പ്രവേശിച്ചു. ‘ഞാനും ഭാര്യ ചെന്നമ്മയും പരിശോധനയില് കോവിഡ് പോസിറ്റീവ് ആയി. കുടുംബാംഗങ്ങള്ക്കൊപ്പം ഞങ്ങള് സ്വയം നിരീക്ഷണത്തിലാണ്. ഞങ്ങളുമായി കഴിഞ്ഞ ദിവസങ്ങളില് സമ്പര്ക്കമുണ്ടായവര് പരിശോധന നടത്തണമെന്ന് അഭ്യര്ഥിക്കുന്നു. പാര്ട്ടി പ്രവര്ത്തകരും അഭ്യുദയ കാംക്ഷികളും പരിഭ്രാന്തരാകരുതെന്ന് അഭ്യര്ഥിക്കുന്നു’-87 കാരനായ ദേവഗൗഡ ട്വീറ്റ് ചെയ്തു.
ദക്ഷിണ ബംഗളൂരുവിലെ പദ്മനാഭനഗറിലാണ് മുതിര്ന്ന ജനതാദള് സെക്യുലര് നേതാവായ ദേവഗൗഡ താമസിക്കുന്നത്. വേഗം രോഗമുക്തി നേടട്ടെയെന്ന് പ്രധാനമന്ത്രി നരേന്ദ്രമോദി അടക്കമുള്ളവര് ആശംസിച്ചു. തന്നെ വിളിച്ച് സുഖവിവരം അന്വേഷിച്ച നരേന്ദ്രമോദിക്ക് നന്ദി അറിയിച്ച് ദേവഗൗഡ ട്വീറ്റ് ചെയ്തു.
ഏത് നഗരത്തിലെയും തനിക്ക് ഇഷ്ടമുള്ള ഏത് ആശുപത്രിയിലും ചികിത്സ തേടാമെന്ന പ്രധാനമന്ത്രിയുടെ വാഗ്ദാനം ആഴത്തില് സ്പര്ശിച്ചുവെന്നും അദ്ദേഹം കൂട്ടിച്ചേര്ത്തു.
