കണ്ണൂര് : വാളയാര് കേസില് പോലീസുകാര് കുറ്റക്കാരാണെന്ന് കോടതിയും സര്ക്കാരും സമ്മതിച്ചിട്ടും അവരെ സംരക്ഷിക്കുന്നത് എന്തിനെന്ന് രൂക്ഷ വിമര്ശനവുമായി വാളയാര് പെണ്കുട്ടികളുടെ അമ്മ. കുട്ടികളുടെ മരണത്തെ കുറിച്ചുള്ള അന്വേഷണത്തിനായി സംസ്ഥാന സര്ക്കാരിന് ഇന്നും സിബിഐ ഫയലുകള് കൈമാറിയിട്ടില്ല. ധര്മ്മടത്ത് തെരഞ്ഞെടുപ്പ് പ്രചാരണത്തിനിടെ മാധ്യമ പ്രവര്ത്തകരോട് പ്രതികരിക്കുകയായിരുന്നു അദ്ദേഹം.
സിബിഐക്ക് ഫയല് ഇനിയും കൈമാറാത്തതിനാല് കേസില് പുനരന്വേഷണമാണോ തുടര് അന്വേഷണത്തിനാണോ വേണ്ടതെന്ന ആശയക്കുഴപ്പത്തിലാണ് സിബിഐ. കേസില് കുറ്റക്കാരായ പോലീസുകാരെ സംരക്ഷിക്കുന്ന നിലപാടാണ് സംസ്ഥാന സര്ക്കാരിന്റേത്.
പട്ടികജാതിക്കാരോ പാവപ്പെട്ടവരോ ആയതിനാലാണോ സര്ക്കാരിന്റെ ഈ നിലപാട്. ഇതിനെല്ലാം എതിരെ ചോദ്യം ചോദിക്കാന് കിട്ടിയ അവസരമാണ് നിയമസഭാ തെരഞ്ഞെടുപ്പ്. അതേസമയം കുട്ടികളുടെ മരണം സംബന്ധിച്ച് അന്വേഷണം ആവശ്യപ്പെട്ട് വാളയാര് കുട്ടികളുടെ മാതാവും പിതാവും മുഖ്യമന്ത്രിയുടെ ഔദ്യോഗിക വസതിയില് എത്തിയപ്പോള് അദ്ദേഹത്തിന്റെ കാസ് പിടിച്ചിരുന്നു. ഇപ്പോള് പിണറായി വിജയന്റെ കാല് പിടിക്കേണ്ട കാര്യം ഇല്ലായിരുന്നെന്ന് തോന്നുന്നതായും വാളയാര് പെണ്കുട്ടികളുടെ അമ്മ കൂട്ടിച്ചേര്ത്തു.
