തിരുവനന്തപുരം: സര്ക്കാരിനെതിരായ എന്എസ്എസിന്റെ തുടര്ച്ചയായ വിമര്ശനങ്ങളില് പൊതുസമൂഹത്തിന് സംശയങ്ങളുണ്ടെന്ന മുഖ്യമന്ത്രിയുടെ പ്രസ്താവനയ്ക്ക് മറുപടിയുമായി എന്എസ്എസ്. ശബരിമല അടക്കം എന്എസ്എസ് ഉന്നയിക്കുന്ന ആവശ്യങ്ങളില് രാഷ്ട്രീയം ഇല്ല. അതില് പൊതു സമൂഹത്തിന് സംശയമില്ല. രാഷ്ട്രീയവുമായി എന്എസ്എസിന് ഇപ്പോഴും സമദൂരം തന്നെയാണ് ഉള്ളത്. എന്എസ്എസിനെ വിരട്ടാമെന്ന് ചിന്തിക്കുന്നവര് മൂഢ സ്വര്ഗത്തിലാണെന്നും എന്എസ്എസ് ജനറല് സെക്രട്ടറി ജി.സുകുമാരന് നായര് പ്രസ്താവനയില് വ്യക്തമാക്കി.
മൂന്ന് ആവശ്യങ്ങളാണ് എന്എസ്എസ് സംസ്ഥാന സര്ക്കാരിനോട് ഉന്നയിച്ചത്. ഒന്നാമത്തെ ആവശ്യമായ ശബരിമല വിഷയം എവിടെ നില്ക്കുന്നുവെന്ന് എല്ലാവര്ക്കും അറിയാം. മന്നം ജയന്തി നെഗോഷ്യബിള് ഇന്സ്ട്രമെന്റ്സ് ആക്ടിന്റെ പരിധിയില്പെടുന്ന പൊതുഅവധി ആക്കണമെന്ന ആവശ്യവും സംസ്ഥാന സര്ക്കാര് നിരസിച്ചു. പല തവണ ആവശ്യം കാട്ടി സര്ക്കാരിനു കത്തയച്ചു. എന്നാല് ആവശ്യത്തെ നിസാരമായി കണ്ടു നിരസിക്കുകയാണ് ചെയ്തത്. കേന്ദ്ര സര്ക്കാര് നടപ്പിലാക്കിയ മുന്നാക്ക സംവരണത്തിന്റെ പ്രയോജനവും കിട്ടിയില്ലെന്ന് എന്എസ്എസിന്റെ പ്രസ്താവനയില് പറയുന്നു.
