ദേശീയ-അന്തര്‍ ദേശീയ തലത്തില്‍ നിരവധി പുരസ്‌കാരങ്ങള്‍ നേടിയ ബിരിയാണി മാര്‍ച്ച് 26ന് പ്രദര്‍ശനത്തിനെത്തുന്നു. യുഏഎന്‍ ഫിലിം ഹൗസിന്റെ ബാനറില്‍ സജിന്‍ ബാബു രചനയും സംവിധാനവും നിര്‍വ്വഹിക്കുന്ന ‘ബിരിയാണി’യില്‍ കനി കുസൃതി പ്രധാന കഥാപാത്രത്തെ അവതരിപ്പിക്കുന്നു.
സുര്‍ജിത് ഗോപിനാഥ്, അനില്‍ നെടുമങ്ങാട്, ശ്യാം റെജി, തോന്നയ്‌ക്കല്‍ ജയചന്ദ്രന്‍, ശൈലജ എന്നിവരാണ് മറ്റു പ്രധാന താരങ്ങള്‍.
കടല്‍ത്തീരത്ത് താമസിക്കുന്ന കദീജയുടേയും, ഉമ്മയുടേയും ജീവിതത്തില്‍ അപ്രതീക്ഷിതമായി ഉണ്ടാകുന്ന സംഭവങ്ങള്‍ കാരണം നാടു വിടേണ്ടി വരികയും, അതിനുശേഷമുള്ള അവരുടെ യാത്രയുമാണ് ചിത്രത്തിന്റെ പ്രമേയം.
ഛായാഗ്രഹണം-കാര്‍ത്തിക് മുത്തുകുമാര്‍, എഡിറ്റിങ്-അപ്പു ഭട്ടതിരി, സംഗീതം- ലിയോ ടോ, ആര്‍ട്ട്-നിതീഷ് ചന്ദ്ര ആചാര്യ, മേക്കപ്പ്-ഹരി ജോഷി, വസ്ത്രാലങ്കാരം-നിനേഷ് മാനന്തവാടി, സൗണ്ട്-വിനോദ് പി. ശിവറാം, പരസ്യകല-ദിലീപ് ദാസ്, അസോസിയേറ്റ് ഡയറക്ടര്‍-സാനു സജീവന്‍, പ്രൊഡക്ഷന്‍ കണ്‍ട്രോളര്‍-രതീഷ് കല്ലറ.
പ്രതികരിക്കാൻ ഇവിടെ എഴുതുക: