മലപ്പുറം: കരിപ്പൂര്‍ വിമാനത്താവളം വഴി കടത്താന്‍ ശ്രമിച്ച 30 ലക്ഷം രൂപയുടെ സ്വര്‍ണം പിടിച്ചെടുത്തു. സംഭവത്തില്‍ ഒരാള്‍ അറസ്റ്റിലായി. മലപ്പുറം കോടൂര്‍ സ്വദേശി നെച്ചിക്കണ്ടന്‍ ഷുഹൈബാണ് പിടിയിലായത്.
648.5 ഗ്രാം സ്വര്‍ണ മിശ്രിതമാണ് ഇയാളില്‍ നിന്നും പിടിച്ചെടുത്തത്. ക്യാപ്‌സൂള്‍ രൂപത്തിലാക്കി ശരീരത്തില്‍ ഒളിപ്പിച്ച നിലയിലായിരുന്നു സ്വര്‍ണം. കോഴിക്കോട് കസ്റ്റംസ് പ്രിവന്റീവ് വിഭാഗത്തിന്റെ പരിശോധനയിലാണ് ഇയാള്‍ കുടുങ്ങിയത്. കഴിഞ്ഞദിവസം കാർഗോ കോം‌പ്ലക്സ് വഴി അയച്ച ബാഗേജിൽ നിന്നും 1.28 കോടി രൂപയുടെ സ്വർണം പിടികൂടിയിരുന്നു. മൈക്രോ‌വേവ് അവ്നിൽ ഒളിപ്പിച്ച നിലയിലായിരുന്നു സ്വർണം.
യാത്രക്കാരൻ കൂടെ കൊണ്ടുവരാതെ യുബി (അൺ അക്കമ്പനീഡ് ബാഗേജ്) ആയി അയച്ച കാർഗോയിലായിരുന്നു സ്വർണം.
പ്രതികരിക്കാൻ ഇവിടെ എഴുതുക: