ചെന്നൈ: പ്രതിപക്ഷപാര്‍ട്ടി നേതാക്കന്മാരുടെ വീടുകളിലും ഓഫീസുകളിലും ആദായനികുതി വകുപ്പ് നടത്തിയ റെയ്ഡില്‍ കമല്‍ ഹാസന്റെ പാര്‍ട്ടിയായ മക്കള്‍ നീതി മയ്യത്തിന്റെ ട്രഷററുടെ വീട്ടില്‍ നിന്നും എട്ട് കോടിയുടെ കള്ളപ്പണം കണ്ടെത്തി.
മക്കള്‍ നീതിമയ്യത്തിന്റെ ട്രഷറര്‍ ചന്ദ്രശേഖരന്റെ തിരുപ്പൂരിലെ ഓഫീസിലും ഐടി റെയ്ഡ് നടത്തിയിരുന്നു. അനിത ഹെല്‍ത്ത് കെയര്‍, അനിത ടെക്‌സ്‌കോട്ട് എന്നീ സ്ഥാപനങ്ങളുടെ എംഡി കൂടിയാണ് ചന്ദ്രശേഖരന്‍.
കഴിഞ്ഞ ഒരാഴ്ചയായി തമിഴ്‌നാട്ടിലെ വിവിധ ഭാഗങ്ങളില്‍ നടത്തിയ റെയ്ഡില്‍ ഇതുവരെ 400 കോടി രൂപയുടെ കള്ളപ്പണം പിടിച്ചിട്ടുണ്ട്. തമിഴ്‌നാട്ടിലെ ഒരു പ്രമുഖ ജ്വല്ലറി വ്യാപാരിയുടെവീട്ടിലും റെയ്ഡ് നടന്നിട്ടുണ്ട്.ഡിഎംകെ, എംഡിഎംകെ നേതാക്കളുടെ ഓഫീസുകളിലും വീടുകളിലും റെയ്ഡ് നടന്നിരുന്നു. ഡിഎംകെയുടെ കെഎസ് ധനശേഖര്‍, എംഡിഎംകെയുടെ കാവിന്‍ നാഗരാജ് എന്നിവരുടെ വീടുകളിലും ഓഫീസുകളിലുമാണ് റെയ്ഡ് നടന്നത്.
അതേ സമയം റെയ്ഡ് രാഷ്‌ട്രീയപ്രേരിതമാണെന്നും ഇതേക്കുറിച്ച് മുഴുവന്‍ വിശദാംശങ്ങള്‍ അറിഞ്ഞ് പിന്നീട് പ്രതകരിക്കാമെന്നും കമല്‍ ഹാസന്‍ പ്രതികരിച്ചു.
പ്രതികരിക്കാൻ ഇവിടെ എഴുതുക: