ഗുരുവായൂര്‍: ഗുരുവായൂര്‍ ക്ഷേത്രം മേല്‍ശാന്തിയായി ഒറ്റപ്പാലം വരോട് തിയ്യന്നൂര്‍ മന ശങ്കരനാരായണ പ്രമോദ്. തിങ്കളാഴ്ച ഉച്ചപൂജയ്‌ക്ക് ശേഷം നടന്ന നറുക്കെടുപ്പിലാണ് 36 പേരില്‍ നിന്നും ശങ്കരനാരായണ പ്രമോദിനെ തെരഞ്ഞെടുത്തത്. മേല്‍ശാന്തി മൂര്‍ത്തിയേടത്ത് കൃഷ്ണന്‍ നമ്പൂതിരിയാണ് നറുക്കെടുത്തത്.
മൊത്തം 43 പേര്‍ അപേക്ഷിച്ചു. ഇതില്‍ നിന്നും 36 പേരെ തിരഞ്ഞെടുത്തു. ഇവരില്‍ നിന്നാണ് യോഗ്യനെ നറുക്കെടുപ്പിലൂടെ കണ്ടെത്തിയത്.
ഇതാദ്യമായാണ് ശങ്കരനാരായണ പ്രമോദ് ഗുരുവായൂര്‍ മേല്‍ശാന്തിയാകുന്നത്. ഏപ്രില്‍ ഒന്ന് മുതല്‍ ആറ് മാസത്തേക്കാണ് മേല്‍ശാന്തിയുടെ കാലാവധി. ഇപ്പോള്‍ ഒറ്റപ്പാലത്തെ വരോട് ചാത്തന്‍കാട് ദേവീക്ഷേത്രത്തില്‍ മേല്‍ശാന്തിയാണ്.
തിയ്യന്നൂര്‍ ശങ്കരനാരായണ ഉണ്ണി നമ്പൂതിരിയുടെയും എടപ്പാള്‍ കുന്നത്ത് മന ശാന്ത അന്തര്‍ജ്ജനത്തിന്റെയും മകനാണ്. വരോട് യുപി സ്‌കൂള്‍ അധ്യാപിക രശ്മി അന്തര്‍ജ്ജനം ഭാര്യാണ്. ഋഷികേശും ഹരികേശും മക്കളാണ്.
പ്രതികരിക്കാൻ ഇവിടെ എഴുതുക: