കണ്ണൂർ: കഴിഞ്ഞ ദിവസം സൈക്കിളില് ഒളിപ്പിച്ച് സ്വര്ണ്ണം കടത്താന് ശ്രമിച്ചതിന് പിന്നാലെ കണ്ണൂർ വിമാനത്താവളത്തിൽ വീണ്ടും വന് സ്വര്ണ്ണവേട്ട. ഇക്കുറി കുട്ടിയുടെ ഡയപ്പറില് ഒളിപ്പിച്ച് കടത്താനുള്ള ശ്രമമാണ് കസ്റ്റംസ് പൊളിച്ചത്.
ഇക്കുറി 85 ലക്ഷം രൂപ വിലവരുന്ന 1841 ഗ്രാം സ്വർണമാണ് കസ്റ്റംസ് പിടികൂടിയത്. രണ്ടു വയസുള്ള കുട്ടി ധരിച്ച ഡയപ്പറില് ഒളിപ്പിച്ചു കടത്താനായിരുന്നു നീക്കം. കാസർഗോഡ് സ്വദേശി മുഹമ്മദ് കുഞ്ഞി ഹസൈനാര് ആണ് പിടിയിലായത്.
കഴിഞ്ഞ ദിവസം സൈക്കിളിനുളളിൽ ഒളിപ്പിച്ച് കടത്തിയ സ്വർണവും പിടികൂടിയിരുന്നു. ഇതിന് തൊട്ടുമുമ്പ് ദോഹയിൽ നിന്നെത്തിയ കുറ്റ്യാടി സ്വദേശിയിൽ നിന്നും 70 ലക്ഷം രൂപയുടെ സ്വർണം കസ്റ്റംസ് പിടികൂടിയിരുന്നു
