ദേശീയ പുരസ്‌കാരങ്ങള്‍ നേടിയ വിജയ് സേതുപതിയുടെ തെന്‍മെര്‍ക്ക് പരുവ കാട്ട്‌റു എന്ന ചിത്രം കേരളത്തില്‍. റോസിക എന്റര്‍പ്രൈസസിനു വേണ്ടി ഷിബു ഐസക് നിര്‍മിക്കുന്ന ചിത്രം സീനു രാമസ്വാമി സംവിധാനം ചെയ്യുന്നു. എച്ച്.ആര്‍. ഫിലിംസ് ചിത്രം കേരളത്തില്‍ റിലീസ് ചെയ്യും.
നല്ല സിനിമ, മികച്ച ഗാനം, നല്ല സപ്പോര്‍ട്ടിങ് ആര്‍ട്ടിസ്റ്റ് എന്നീ ദേശീയ പുരസ്‌കാരങ്ങളാണ് ചിത്രം നേടിയത്. ഗ്രാമീണ സുന്ദരി. പക്ഷേ, രാത്രി പശുവിനെ മോഷണമാണ് തൊഴില്‍. കുടുംബത്തിന്റെ പിന്തുണയോടെയാണ് പെണ്‍കുട്ടി ഈ തൊഴില്‍ ചെയ്യുന്നത്. നാട്ടുകാര്‍ കള്ളനെകൊണ്ട് ഗതികെട്ടു. നാട്ടുകാര്‍ പതിയിരുന്ന് കള്ളനെ പൊക്കാന്‍ പദ്ധതിയിട്ടു. പക്ഷേ, കള്ളന്റ പൊടിപോലും കിട്ടിയില്ല. ഒടുവില്‍ നാട്ടിലെ തന്റേടിയായ ആണ്‍പു
ലി (വിജയ് സേതുപതി) തന്നെ കള്ളനെ പിടിക്കാന്‍ രംഗത്തിറങ്ങി. രാത്രി കൊണ്ടുതന്നെ അവന് കള്ളനെ പൊക്കി. കള്ളന്റെ കയ്യിലാണ് ആദ്യം പിടി വീണത്. കുപ്പിവളകള്‍ പൊട്ടിച്ചിതറി. പെണ്‍കുട്ടിയാണ് കള്ളനെന്ന് പിടികിട്ടി. അവളെ രാത്രിയുടെ മറവില്‍ ഒന്ന് കാണുകയും ചെയ്തു. പെട്ടെന്ന് അവന് പിടിവിട്ടു. കള്ളന്‍ ഓടി ഒളിച്ചു. പോലീസുകാര്‍ അവനോട് കള്ളനെക്കുറിച്ച് അന്വേഷിച്ചു. ഒരു പെണ്‍കുട്ടിയാണ് കള്ളനെന്ന് അവന് പറഞ്ഞില്ല. അതിന് കാരണമുണ്ടായിരുന്നു. ആദ്യ ദര്‍ശനത്തില്‍തന്നെ പെണ്‍കുട്ടിയോട് അവന് പ്രണയം തോന്നിത്തുടങ്ങിയിരുന്നു.
വ്യത്യസ്തമായ കഥയും അവതരണവും കൊണ്ട് ദേശീയതലത്തില്‍ ശ്രദ്ധേയമായ ചിത്രമാണിത്.വിജയ് സേതുപതി ശക്തമായ അഭിനയം കൊണ്ട് തിളങ്ങിയ ചിത്രമാണിത്.
റോസിക എന്റര്‍പ്രൈസസിനു വേണ്ടി ഷിബു ഐസക് നിര്‍മ്മിക്കുന്ന തെന്‍ മെര്‍ക്ക് പരുവകാട്ട്‌റു സീനുരാമസ്വാമി സംവിധാനം ചെയ്യുന്നു. ഗാനങ്ങള്‍- വൈരമുത്തു, സംഗീതം- എന്‍.ആര്‍.രഘുനാഥന്‍, ആലാപനം- ഉണ്ണി മേനോന്‍, ശ്വേതാ മോഹന്‍, വിജയ് പ്രകാശ്, ശങ്കര്‍ മഹാദേവന്‍, ശ്രേയാ ഘോഷാല്‍, ഹരണ്യ. വിജയ് സേതുപതി, ശരണ്യ പൊന്‍മനം, വസുദ്ധര, ചൈത്ര എന്നിവര്‍ അഭിനയിക്കുന്നു.
പ്രതികരിക്കാൻ ഇവിടെ എഴുതുക: