കൊല്‍ക്കത്ത: ഡെന്നീസ് ആന്റ്‌വിയുടെ ഇരട്ട ഗോളില്‍ ഗോകുലം കേരള എഫ്‌സിക്ക്് ഉജ്ജ്വല വിജയം. ഐ ലീഗില്‍ ഏകപക്ഷീയമായ മൂന്ന് ഗോളുകള്‍ക്ക്് ചര്‍ച്ചില്‍ ബ്രദേഴ്‌സ് ഗോവയെ തോല്‍പ്പിച്ചു. 56, 62 മിനിറ്റുകളിലാണ് ആന്റ്്‌വി ഗോളുകള്‍ നേടിയത്. ഗോകുലത്തിന് മധുര പ്രതികാരമായി ഈ വിജയം. പ്രാഥമിക ലീഗില്‍ ചര്‍ച്ചില്‍ രണ്ടിനെതിരെ മൂന്ന് ഗോളുകള്‍ക്ക് ഗോകുലത്തെ തോല്‍പ്പിച്ചിരുന്നു.
ഈ വിജയത്തോടെ ഗോകുലം പന്ത്രണ്ട് മത്സരങ്ങളില്‍ 22 പോയിന്റുമായി രണ്ടാം സ്ഥാനത്തെത്തി. തോറ്റെങ്കിലും ചര്‍ച്ചില്‍ പന്ത്രണ്ട് മത്സരങ്ങളില്‍ 25 പോയിന്റുമായി ഒന്നാം സ്ഥാനത്ത്് തുടരുകയാണ്.
കളിയുടെ തുടക്കത്തില്‍ തന്നെ ചര്‍ച്ചില്‍ ബ്രദേഴ്‌സ് സെല്‍ഫ് ഗോള്‍ വഴങ്ങി. നാലാം മിനിറ്റില്‍ ചര്‍ച്ചില്‍ താരം മാമിതാണ് സ്വന്തം പോസ്റ്റിലേക്ക് പന്ത് കടത്തിവിട്ടത്്. ആദ്യ പകുതിയില്‍ ജേതാക്കള്‍ 1-0 ന് മുന്നിട്ടുനിന്നു.
ഇടവേളയ്‌ക്ക് ശേഷം തകര്‍ത്തുകളിച്ച ഗോകുലം അമ്പത്തിയാറാം മിനിറ്റില്‍ രണ്ടാം ഗോള്‍ നേടി. പെനാല്‍റ്റിയിലൂടെ ആന്റ്‌വിയാണ് ലക്ഷ്യം കണ്ടത്. ആറു മിനിറ്റുകള്‍ക്കുള്ളില്‍ ആന്റ്‌വി ഗോകുലത്തിന്റെ മൂന്നാം ഗോളും നേടി. പെനാല്‍റ്റി ബോക്‌സിന് മുന്നില്‍ നിന്ന്് ആന്റ്്‌വി തൊടുത്തുവിട്ട ഷോട്ട് ചര്‍ച്ചലിന്റെ വലയില്‍ കയറി.
പ്രതികരിക്കാൻ ഇവിടെ എഴുതുക: