ആലപ്പുഴ: ആലപ്പുഴ നഗരസഭയിലും സമീപത്തെ എട്ട് ഗ്രാമപഞ്ചായത്തുകളിലും ശുദ്ധജലവിതരണം നടത്തുന്ന ആലപ്പുഴ കുടുവെള്ള പദ്ധതിയിലെ അമ്പലപ്പുഴ- തിരുവല്ല ഭാഗത്തെ പൈപ്പുകളിലുണ്ടായ തകരാറുകള് ശനിയാഴ്ച പൂര്ത്തിയാക്കി പമ്പിങ് പുനരാരംഭിക്കും. തകഴിയിലെ പൈപ്പ് ചോര്ച്ചക്ക് ദ്രുത ഗതിയില് ശാശ്വത പരിഹാരം സ്വീകരിക്കുവാന് ജില്ലാ കളക്ടര് വാട്ടര് അതോറിറ്റിക്ക് നിര്ദ്ദേശം നല്കി.
കളക്ടറുടെ നേതൃത്വത്തില് ചേമ്പറില് നടന്ന യോഗത്തിലാണ് തീരുമാനം. നിലവില് ജല വിതരണം തടസം നേരിടുന്നതിനാല് മൂന്ന് ടാങ്കറുകളിലായി കുടിവെള്ളം വിവിധ ഇടങ്ങളില് ലഭ്യമാക്കുന്നതിനു പുറമെ രണ്ടു ടാങ്കറുകളില് കൂടി കുടിവെള്ളമെത്തിക്കാന് വേണ്ട നടപടികള് വാട്ടര് അതോറിറ്റി സ്വീകരിച്ചു.
പൈപ്പ് പൊട്ടിയതിനെ തുടര്ന്ന് തകരാറിലായ അന്തര്ദേശീയ നിലവാരത്തില് നിര്മ്മിച്ച അമ്പലപ്പുഴ തിരുവല്ല റോഡ് നിര്മ്മിക്കുന്നതിനായി പൊതുമരാമത്തു വകുപ്പിന് 17 ലക്ഷം രൂപ വാട്ടര് അതോറിറ്റി നല്കണം. ഇതിനായി വേണ്ട നടപടികള്ക്കായി ജില്ലാ കളക്ര്ക്ക് കത്ത് നല്കാന് വാട്ടര് അതോറിറ്റിക്ക് കളക്ടര് നിര്ദ്ദേശം നല്കി.
