യു.ജി.സി നെറ്റ് പരീക്ഷയ്‌ക്ക് അപേക്ഷിക്കാനുള്ള തീയതി നീട്ടി; വെബ്‌സൈറ്റ് വഴി അപേക്ഷ നല്‍കാം

യു.ജി.സി നെറ്റ് പരീക്ഷയ്‌ക്ക് അപേക്ഷിക്കാനുള്ള തീയതി നീട്ടിവെച്ചു. നാഷണല്‍ ടെസ്റ്റിങ് ഏജന്‍സി (എന്‍.ടി.എ). മേയില്‍ നടക്കുന്ന പരീക്ഷയ്‌ക്കായി മാര്‍ച്ച് ഒന്‍പത് വരെ അപേക്ഷിക്കാം ugcnet.nta.nic.in എന്ന വെബ്‌സൈറ്റ് വഴി അപേക്ഷ സമര്‍പ്പിക്കാം. മാര്‍ച്ച് 10 വരെ ഫീസടയ്‌ക്കാം. മാര്‍ച്ച് 16 വരെ ഓണ്‍ലൈന്‍ അപേക്ഷയില്‍ തിരുത്തലുകള്‍ വരുത്താം. നേരത്തെ അപേക്ഷ സമര്‍പ്പിക്കാനുള്ള അവസാന തീയതി മാര്‍ച്ച് രണ്ട് വരെയാണ് നിശ്ചയിച്ചിരുന്നത്.  തീയതി നീട്ടണമെന്ന വിദ്യാര്‍ത്ഥികള്‍ ആവശ്യമുയര്‍ത്തിയതോടെയാണ് പുതിയ തീരുമാനം. മേയ് 2, 3, 4, 5, 6, 7, 10, 11, 12, 14, 17 തീയതികളിലാണ് പരീക്ഷ. മൂന്ന് മണിക്കൂറാണ് പരീക്ഷയുടെ ദൈര്‍ഘ്യം.