പത്തനംതിട്ട: തിരുവല്ലയിലെ അഭയ കേന്ദ്രത്തിൽ നിന്നും കാണാതായ പോക്സോ കേസിലെ ഇരകളായ 15, 16 വയസുള്ള രണ്ട് രണ്ട് പെണ്കുട്ടികളെ കണ്ടെത്തി. തിരുവനന്തപുരം തമ്പാനൂര് റെയില്വേ സ്റ്റേഷനിലാണ് ഇരുവരെയും കണ്ടെത്തിയത്.
പെണ്കുട്ടികളെ കാണാതായതിന് പിന്നാലെ സംസ്ഥാനമൊട്ടാകെ പോലീസ് വിവരങ്ങള് കൈമാറിയിരുന്നു. ഇതിന്റെ അടിസ്ഥാനത്തിലാണ് തമ്പാനൂര് റെയില്വേ സ്റ്റേഷനില് വച്ച് റെയില്വേ പോലീസ് ഇരുവരെയും തിരിച്ചറിഞ്ഞത്. ഇന്ന് പുലർച്ചെയാണ് അഭയ കേന്ദ്രത്തിൽ നിന്നും വെൺപാലവട്ടം, തുവലശേരി സ്വദേശിനികളായ പെൺകുട്ടികളെ കാണാതായത്.
തിരുവല്ല നഗരത്തില് സ്വകാര്യ സന്നദ്ധ സംഘടന നടത്തുന്ന അഭയകേന്ദ്രത്തില് നിന്നാണ് പെണ്കുട്ടികളെ കാണാതായത്. കേന്ദ്രത്തില് നാലു പെണ്കുട്ടികളാണ് ഉള്ളത്. ഇതില് രണ്ടു പെണ്കുട്ടികളെയാണ് കാണാതായത്.
