ആലപ്പുഴ: റേഷന് അരി മറിച്ചു വില്ക്കാനെത്തിച്ചെന്ന സംശയത്തെ തുടര്ന്ന് ആറായിരം കിലോ അരി പോലീസ് പിടിച്ചെടുത്തു.നഗരത്തില് വഴിച്ചേരി മാര്ക്കറ്റിലെ സ്വകാര്യ വ്യാപാര സ്ഥാപനത്തിന് സമീപത്തു നിന്നാണ് അരി കണ്ടെത്തിയത്. ലോറിയില് അരി എത്തിച്ച നിലയിലായിരുന്നു.റോഡിന് സമീപം പാര്ക്കു ചെയ്ത നിലയിലായിരുന്നു ലോറി. 110 ചാക്കുകളിലായിരുന്നു അരി. എന്നാലിത് റേഷന് അരിയെന്ന് സ്ഥിരീകരിക്കാനായില്ല. പ്ലാസ്റ്റിക് ചാക്കുകളിലേക്ക് മാറ്റി പാക്ക് ചെയ്തു എത്തിച്ചതിനാലാണിത്.
സൗത്ത് പോലീസിന്റെ നേതൃത്വത്തിലായിരുന്നു പരിശോധന. പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. ലോറി ഡ്രൈവറെ പോലീസ് ചോദ്യംചെയ്തു. എന്നാല് ഇയാള് പരസ്പര വിരുദ്ധമായാണ് സംസാരിക്കുന്നത്. റേഷന് അരിയെന്ന സംശയത്തെ തുടര്ന്ന് ജില്ലാ സിവില് സപ്ലൈസ് അധികൃരുടെ നേതൃത്വത്തില് പരിശോധനകള് നടത്തി സാമ്പിളുകള് ശേഖരിച്ചു. ഇതില് മാത്രമേ റേഷന് അരിയെന്ന് സ്ഥിരീകരിക്കാനാകു. പിടിച്ചെടുത്തവ പോലീസ് സ്റ്റേഷനിലേക്ക് മാറ്റി.
