ഇടുക്കി : പതിനേഴുകാരിയെ കുത്തിക്കൊന്ന കേസിലെ പ്രതിയും പെണ്‍കുട്ടിയുടെ ബന്ധുവുമായ അരുണിനെ ആത്മഹത്യ ചെയ്ത നിലയില്‍ കണ്ടെത്തി. പള്ളിവാസല്‍ പവര്‍ഹൗസിന് സമീപത്തായി തൂങ്ങിമരിച്ച നിലയില്‍ മൃതദേഹം കണ്ടെത്തിയത്.
പെണ്‍കുട്ടിയുടെ മൃതദേഹം ലഭിച്ചതില്‍ നിന്നും ഒരു കിലോമീറ്ററോളം ദൂരെ ആയിരുന്നു ഇത്. മൃതദേഹം ശ്രദ്ധയില്‍ പെട്ടതിനെ തുടര്‍ന്ന് സ്ഥലം ഉടമ വേഗം പോലീസിനെ അറിയിക്കുകയായിരുന്നു.
ബൈസണ്‍ വാലി ഹയര്‍സെക്കന്‍ഡറി സ്‌കൂള്‍ വിദ്യാര്‍ത്ഥിനിയായ രേഷ്മയെ വെള്ളിയാഴ്ച രാത്രിയോടെയാണ് പള്ളിവാസല്‍ പവര്‍ഹൗസ് ഭാഗത്തിന് സമാപത്തായി കുത്തേറ്റ നിലയില്‍ കണ്ടെത്തിയത്. സ്‌കൂള്‍ സമയം കഴിഞ്ഞും പെണ്‍കുട്ടി വീട്ടില്‍ തിരിച്ചെത്താത്തതിനെ തുടര്‍ന്ന് മാതാപിതാക്കള്‍ പോലീസില്‍ പരാതി നല്‍കുകയായിരുന്നു.
തുടര്‍ന്ന് നടത്തിയ അന്വേഷണത്തില്‍ പെണ്‍കുട്ടിയെ കുത്തേറ്റ നിലയില്‍ കണ്ടെത്തി. ഉടന്‍ തന്നെ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. പിന്നീട് നടത്തിയ അന്വേഷണത്തില്‍ രേഷ്മയുടെ അച്ഛന്റെ അര്‍ദ്ധ സഹോദരനായ കോതമംഗലം സ്വദേശി അരുണ്‍, പെണ്‍കുട്ടിയെ സ്‌കൂളില്‍ നിന്ന് കൊണ്ടുപോകുന്ന സിസിടിവി ദൃശ്യങ്ങള്‍ പോലീസിന് ലഭിച്ചിരുന്നു. ഇയാള്‍ക്ക് വേണ്ടിയുള്ള അന്വേഷണം നടക്കുന്നതിനിടെയാണ് മൃതദേഹം കണ്ടെത്തിയത്.
പ്രതികരിക്കാൻ ഇവിടെ എഴുതുക: