ഒരു വ്യക്തിയുടെയോ സമൂഹത്തിന്റെയോ യഥാര്‍ത്ഥ സ്വഭാവം ദുരന്തസമയത്താണ് വ്യക്തമാകുക. നമ്മുടെ യഥാര്‍ത്ഥ സ്വഭാവം തിരിച്ചറിയാന്‍ കഴിയുന്ന പരീക്ഷണ കാലഘട്ടമാണിത്. കൊറോണ അനിയന്ത്രിതമായി സമൂഹത്തില്‍ പടരുമ്പോള്‍, സമ്പൂര്‍ണ്ണ സംയമനം പാലിക്കാന്‍ ഭരണാധികാരികള്‍ അഭ്യര്‍ത്ഥിക്കുന്നു, എന്നാല്‍ പല ഘട്ടങ്ങളിലും ആളുകള്‍ കോവിഡ് മാനദണ്ഡങ്ങള്‍ ലംഘിക്കുകയാണ്. ഒരു കാരണവുമില്ലാതെ. ഈ ലളിതമായ മാര്‍ഗ്ഗനിര്‍ദ്ദേശങ്ങള്‍ ലംഘിക്കുന്നവര്‍ നിരക്ഷരരല്ല, നിയമം അറിയാത്തവരുമല്ല . പൊലീസുമായും മറ്റ് സര്‍ക്കാര്‍ ഉദ്യോഗസ്ഥരുമായും തര്‍ക്കിക്കുന്നവരില്‍ ഭൂരിഭാഗവും വിദ്യാസമ്പന്നരും ഉന്നത വിദ്യാഭ്യാസമുള്ളവരുമാണ്. അവരുടെ സഹജാവബോധം ഒരു ഗുരുതരമായ സാഹചര്യത്തെ നേരിടാന്‍തക്കവണ്ണം സ്വയം നിയന്ത്രിക്കുവാന്‍ വിദ്യാഭ്യാസം അവരെ സജ്ജരാക്കിയിട്ടില്ല എന്നാണ് ഇതില്‍ നിന്ന് വ്യക്തമാകുന്നത്.
മനുഷ്യ സ്വഭാവം രൂപപ്പെടുത്തുന്നതില്‍ വിദ്യാഭ്യാസത്തിന്റെ പങ്ക് എന്താണ് എന്ന ചോദ്യം ഇവിടെ ഉയര്‍ന്നുവരുന്നു. മാനവികതയുടെ അസ്തിത്വ പ്രതിസന്ധിയെക്കുറിച്ചുള്ള വര്‍ത്തമാന സമസ്യക്കിടയില്‍, ദേശീയ തലത്തില്‍, ഒരുദേശീയ പാഠ്യപദ്ധതി ചട്ടക്കൂട് (എന്‍സിഎഫ്) തയ്യാറാക്കാന്‍ ഇതിനകം തന്നെ 5 വര്‍ഷം വൈകിയിരിക്കുന്നു. അവസാനത്തേത് 2005 ല്‍ രൂപപ്പെടുത്തി. 2015 ല്‍ ഒരു പുതിയ എന്‍സിഎഫ് വരേണ്ടതായിരുന്നു. എന്നാല്‍ ദേശീയ വിദ്യാഭ്യാസ നയത്തിനായുള്ള കൂടിയാലോചന പ്രക്രിയ കാരണം എന്‍സിഎഫ് പ്രവര്‍ത്തനം കൂടുതല്‍ വൈകി. കൊറോണ പൊട്ടിപ്പുറപ്പെടുന്നതിന് ഒരാഴ്ച മുമ്പ് ദേശീയ പാഠ്യപദ്ധതി ചട്ടക്കൂട് തയ്യാറാക്കുന്നതിനായി ഒരു സ്റ്റിയറിംഗ് കമ്മിറ്റിയുടെ രൂപീകരണം എന്‍സിആര്‍ടി ഡയറക്ടര്‍ പ്രഖ്യാപിച്ചു.
സിലബസിലെ മാറ്റത്തെക്കുറിച്ച് നാമെല്ലാവരും ആശങ്കാകുലരാണ്. എന്നാല്‍ അതിലും പ്രധാനം പാഠ്യപദ്ധതിയാണ്. പാഠ്യപദ്ധതിയുടെ ഒരു ഭാഗം മാത്രമാണ് സിലബസ്. വിദ്യാഭ്യാസത്തിന്റെ മറ്റ് രണ്ട് പ്രധാന ഘടകങ്ങള്‍ പാഠ്യപദ്ധതിയില്‍ ഉള്‍പ്പെടുന്നു. ഉള്ളടക്കത്തിന് പുറമെ രണ്ട് പ്രധാന ഘടകങ്ങള്‍ – അദ്ധ്യാപനശാസ്ത്രം, പരീക്ഷയും അതിന്റെ വിലയിരുത്തലും. പരീക്ഷയും വിലയിരുത്തലും ഒരുപോലെയല്ല, മറിച്ച് പഠന പ്രക്രിയ്‌ക്ക് പരസ്പര പൂരകമാണ്. വ്യക്തിഗത തലത്തിലാണ് വിലയിരുത്തല്‍. സ്വയം വിലയിരുത്താന്‍ മാത്രമേ കഴിയൂ. എനിക്ക് എന്നെത്തന്നെ വിലയിരുത്താന്‍ കഴിയും, മറ്റാര്‍ക്കും കഴിയില്ല. സ്വയം എന്നതിന് ഗുരു അല്ലെങ്കില്‍ ഗൈഡ്, മാതാപിതാക്കള്‍ എന്നിവ ഉള്‍പ്പെടുന്നു. അതിനാല്‍ അച്ഛനും അമ്മയും അദ്ധ്യാപികയും, എന്റെ വിദ്യാഭ്യാസ പ്രക്രിയയില്‍ നേരിട്ടു സമ്പര്‍ക്കം പുലര്‍ത്തുന്നതിനാല്‍ ഈ മൂന്ന് പേര്‍ക്കും എന്നെ വിലയിരുത്താന്‍ കഴിയും. പരീക്ഷ എന്നത് എപ്പോഴും ഒരു മൂന്നാം കക്ഷിയുടെവിലയിരുത്തലാണ്. വിദ്യാഭ്യാസ പ്രക്രിയ അറിയാത്ത ഒരാള്‍ ഉല്‍പ്പന്നത്തെ വിലയിരുത്തുകയാണ് ഇവിടെ.
പ്രക്രിയയുടെ ഉചിതമായ മാറ്റം, പരിഷ്‌കാരങ്ങള്‍, പുനര്‍രൂപകല്‍പ്പന എന്നിവ പ്രാപ്തമാക്കുന്നതിനുള്ള ആത്മപരിശോധന പ്രക്രിയയാണ് വിലയിരുത്തല്‍. ഈ ശരിയായ വിദ്യാഭ്യാസ പ്രക്രിയ അവസാനിച്ചതിനുശേഷം അല്ലെങ്കില്‍ ഒരു ഘട്ടത്തില്‍ പരീക്ഷയുണ്ട്. മൂല്യനിര്‍ണ്ണയവും പരീക്ഷാ രൂപകല്‍പ്പനയും പാഠ്യപദ്ധതിയുടെ ഭാഗമാണ്. പാഠ്യപദ്ധതിയുടെ രണ്ടാമത്തെ പ്രധാന ഭാഗം, അധ്യാപന ശാസ്ത്രമാണ്. ഇവയെല്ലാം ചേര്‍ന്ന് പാഠ്യപദ്ധതി രൂപപ്പെടുത്തുന്നു – ഉള്ളടക്കം, അധ്യാപന ശാസ്ത്രം, വിലയിരുത്തല്‍-പരീക്ഷ. അതിനാല്‍ ഇവ മൂന്നും രൂപപ്പെടുത്തുന്നതിന്റെ പശ്ചാത്തലത്തില്‍ ദേശീയ പാഠ്യപദ്ധതി ചട്ടക്കൂട് വളരെ പ്രധാനമാണ്. വിദ്യാഭ്യാസ പ്രക്രിയയില്‍ നമ്മള്‍ എങ്ങനെയുള്ള ഫലങ്ങള്‍ പ്രതീക്ഷിക്കുന്നു എന്നതിനെ ആശ്രയിച്ചിരിക്കും പരീക്ഷയും സിലബസും. അധ്യാപന ശാസ്ത്രവും പഠന രീതിയും പ്രതീക്ഷിക്കുന്ന ഫലങ്ങള്‍ക്ക് അനുസൃതമായിരിക്കുംഎന്നത് തീര്‍ച്ചയാണ്.
‘പഠന ഫലം’ എന്നത് ഓരോ ഘട്ടത്തിലും ഓരോ വിഷയത്തിന്റെയും ഫലത്തെ സൂചിപ്പിക്കുന്നു. എന്നാല്‍ ‘തൈത്തരീയ ഉപനിഷത്തില്‍’പഠന ഫലം എന്നതിന് കൂടുതല്‍ ആഴത്തിലുള്ള ഫലമാണ് പ്രതീക്ഷിക്കുന്നത്. ഇംഗ്ലീഷില്‍ വിവര്‍ത്തനം ചെയ്ത ഇതിനെ വെറും പഠനഫലം എന്നല്ല ‘വിദ്യാഭ്യാസ ഫലം’ എന്ന് പരാമര്‍ശിക്കാം. ഇത് വെറും സിലബസ് പഠിക്കുന്നതിനെ ആശ്രയിച്ചല്ല, അറിവും ആശയങ്ങളും സ്വാംശീകരിക്കുക, ആശയങ്ങളെക്കുറിച്ചുള്ള കൂടുതല്‍ വിവരങ്ങളും സ്വീകരിക്കുക എന്നതാണ്. അത് പഠന ഫലങ്ങളില്‍ മാത്രമായി പരിമിതപ്പെടുത്തിയിരിക്കുന്നു. വിദ്യാഭ്യാസത്തിന്റെ സമഗ്രമായ ഭാരതീയ സങ്കല്‍പ്പത്തില്‍ വിദ്യാഭ്യാസ ഫലത്തിനാണ് കൂടുതല്‍ പ്രാധാന്യം. സംസ്‌കൃതത്തില്‍ (അധിഗം ഫലിത:), (ഫലിത:) ഫലം (അധിഗം) – വിദ്യാഭ്യാസ പ്രക്രിയ. (അദ്ധ്യയന്‍) എന്നത് അധിഗമാണ്. സ്‌കൂളിലായാലും കോളേജിലായാലും ഉയര്‍ന്ന സര്‍വകലാശാലാതലത്തിലായാലും ഗവേഷണ തലത്തിലായാലും മുഴുവന്‍ വിദ്യാഭ്യാസ പ്രക്രിയയുടെയും ഫലം എന്തായിരിക്കണം? എന്തായിരിക്കണംമുഴുവന്‍ പാഠ്യപ്രവര്‍ത്തനങ്ങളുടെയും ഫലം?
അതിനാല്‍, ഉദ്ദേശിക്കുന്ന വിദ്യാഭ്യാസ ഫലങ്ങളുടെ അടിത്തറയില്‍ വേണം രാഷ്‌ട്രത്തിന്റെ പാഠ്യപദ്ധതി ചട്ടക്കൂട് നിര്‍മ്മിക്കേണ്ടത്. സമയ നിഷ്ഠ, അച്ചടക്കം, ദേശസ്‌നേഹം, ശുചിത്വം എന്നീ മൂല്യങ്ങള്‍ വിദ്യാഭ്യാസഫലത്തിന്റെ ഭാഗമാക്കണമെങ്കില്‍, അതിനനുസരിച്ച് പാഠ്യപദ്ധതിയും പഠനരീതിയും നമ്മള്‍ രൂപകല്‍പ്പന ചെയ്യേണ്ടതുണ്ട്. ഇതിന് ഹൈ-ഫൈ എയര്‍ കണ്ടീഷന്‍ ചെയ്ത റെഡിമെയ്ഡ് ക്ലാസ് മുറികള്‍ ഉണ്ടാകരുത്. വിദ്യാര്‍ത്ഥിക്ക് , ക്ലാസും ഡെസ്‌ക്കും വൃത്തിയാക്കേണ്ടിവരുന്നില്ല, ക്ലാസ്‌റൂം ഇതിനകം വൃത്തിയുള്ളതും തയ്യാറായതും എയര്‍കണ്ടീഷന്‍ ചെയ്തതുമാണ്. അത്തരമൊരു അന്തരീക്ഷത്തില്‍ ശുചിത്വത്തിന്റെ മൂല്യം വര്‍ധിക്കുമെന്ന് പ്രതീക്ഷിക്കാനാവില്ല. പാഠ്യപദ്ധതി പ്രക്രിയ നമ്മുടെ സ്‌കൂളുകളില്‍ നിന്ന് എന്ത് വിദ്യാഭ്യാസ ഫലമാണ് പ്രതീക്ഷിക്കുന്നത് എന്നതിനെ ആശ്രയിച്ചായിരിക്കും പാഠ്യപദ്ധതി പ്രക്രിയ.
വിദ്യാഭ്യാസ ഫലം കേവലം വ്യക്തിനിഷ്ടമാകരുതെന്ന് ചുരുക്കം. വ്യക്തിയുടെ സമഗ്രമായ വികസനം ആവശ്യമാണ്. അതാണ് വിദ്യാഭ്യാസ ഫലങ്ങളില്‍ ഒന്ന്. മഹര്‍ഷി അരവിന്ദന്റെ വാക്കുകളില്‍ പറഞ്ഞാല്‍ അഞ്ചുതലത്തിലുള്ള വ്യക്തിത്വവികസനം – ശാരീരികവും മാനസികവും വൈകാരികവും ബൗദ്ധികവും ആത്മീയവുമായവ്യക്തിത്വവികസനം. ഇത് വ്യക്തിഗത തലത്തിലുള്ള വിദ്യാഭ്യാസ ഫലമാണ്. വിദ്യാഭ്യാസ ഫലത്തിന്റെ രണ്ടാമത്തെ വശം സാമൂഹ്യബോധമാണ് ആണ്. പൗരബോധം, ഉത്തരവാദിത്വബോധം, സാമൂഹ്യസംഭാവന എന്നിവയുടെ ഭരണഘടനാ മൂല്യങ്ങള്‍ എന്നിവയാണ് സാമൂഹിക തലത്തില്‍ പ്രതീക്ഷിക്കുന്ന ഫലം. മൂന്നാമതായി, ദേശീയ തലത്തില്‍ രാഷ്‌ട്രത്തിന് മുന്‍ഗണന നല്‍കുന്നു. വിദ്യാഭ്യാസത്തിന്റെ ഫലമായി വിദ്യാര്‍ത്ഥികള്‍ വ്യക്തികളേക്കാള്‍ ദേശീയ ആവശ്യങ്ങള്‍ക്ക് മുന്‍ഗണന നല്‍കുന്ന ഒരു പൗരനായിരിക്കണമെന്ന് പ്രതീക്ഷിക്കുന്നു. നാലാമത്തെ ഘട്ടം സാര്‍വത്രിക തലത്തിലാണ്. പരിസ്ഥിതി, അന്തര്‍ദ്ദേശീയ, ആഗോള അവബോധം, ആത്മീയതയെക്കുറിച്ചുള്ള അവബോധം, വ്യത്യസ്ത വിശ്വാസങ്ങളെ മാനിക്കുന്നതിനുള്ള അവബോധം എന്നിവ ഇതില്‍ ഉള്‍പ്പെടുന്നു.
വ്യക്തിഗത, സാമൂഹിക, ദേശീയ, സാര്‍വത്രിക, എന്നിങ്ങനെ നാല് തലങ്ങളിലും വിദ്യാഭ്യാസ ഫലങ്ങള്‍ നിര്‍വചിക്കപ്പടേണ്ടതുണ്ട്. ഈ ശാശ്വത വിദ്യാഭ്യാസ ഫലം നിര്‍വചിച്ചതിനുശേഷം, ഉചിതമായ മൂല്യം ക്രമേണ വര്‍ദ്ധിപ്പിക്കുന്നതിനും വിദ്യാഭ്യാസ പ്രക്രിയയുടെ ഉദ്ദേശിച്ച വിദ്യാഭ്യാസ ഫലങ്ങള്‍ കൈവരിക്കുന്നതിനും പാഠ്യപദ്ധതി ചട്ടക്കൂട് രൂപകല്‍പ്പന ചെയ്യാന്‍ കഴിയും.ഈ ഘട്ടത്തില്‍, ഇന്നത്തെ വിദ്യാഭ്യാസത്തിന്റെ ഫലത്തെ നാം അഭിമുഖീകരിക്കുമ്പോഴും അതേ സമയം തന്നെ പുതിയ ദേശീയ പാഠ്യപദ്ധതി ചട്ടക്കൂട് രൂപകല്‍പ്പന ചെയ്യുമ്പോഴും, നമ്മുടെ വിദ്യാഭ്യാസ ഫലത്തെ പുനര്‍ നിര്‍വചിക്കേണ്ടത് ഒരു അനിവാര്യതയാണ്. ഇതിനായി കാലം കാത്തുവെച്ച സമയമാണിത്.
വിഷ്ണു എസ്സ് വാര്യര്‍
ഭാരതീയ ശിക്ഷണ്‍ മണ്ഡല്‍ സംസ്ഥാന ജോയിന്റ് സെക്രട്ടറി
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: