പോലീസ് ഉദ്യോഗസ്ഥനെ കര്‍ഷകസമരക്കാര്‍ കയ്യേറ്റം ചെയ്തു ; കേസെടുത്തു

ന്യൂദൽഹി : ദൽഹി അതിർത്തിയിൽ ഒരു ഹെഡ്കോണ്‍സ്റ്റബിളിനെ കാര്‍ഷിക ബില്ലിനെതിരെ സമരം ചെയ്യുന്നവര്‍ കയ്യേറ്റം ചെയ്തു.  

ദല്‍ഹി ഹരിയാന അതിർത്തിയിയായ തിക്രിയിലാണ് സംഭവം അരങ്ങേറിയത്. നംഗ്ലോയി പോലീസ് സ്‌റ്റേഷനിലെ ഉദ്യോഗസ്ഥനായ ജിതേന്ദ്ര റാണയെയാണ് പ്രതിഷേധക്കാർ ആക്രമിച്ചത്.  തലയിലും ശരീരത്തിലും പരുക്കേറ്റ പോലീസ് ഉദ്യോഗസ്ഥനെ ആശുപത്രിയിൽ പ്രവേശിപ്പിച്ചു. പല ഭാഗത്തും തുന്നലിടേണ്ടി വന്നു.  

റിപ്പബ്ലിക് ദിനത്തിൽ ഡൽഹി അതിർത്തിയിൽ കാണാതായ പ്രതിഷേധക്കാരുടെ പോസ്റ്റർ ഒട്ടിക്കാൻ എത്തിയ ഉദ്യോഗസ്ഥന് നേരെയാണ് ആക്രമണമുണ്ടായത്.   

റിപ്പബ്ലിക് ദിനത്തിലെ സംഘർഷത്തിന് ശേഷം കാണാതായ ആളുകളുടെ പോസ്റ്റർ ഒട്ടിക്കാൻ പോയപ്പോഴാണ് സംഭവം. പരിക്കേറ്റ ഉദ്യോഗസ്ഥനെ ചികിത്സയ്‌ക്കായി ആശുപത്രിയിൽ പ്രവേശിപ്പിച്ചു. സംഭവത്തിൽ പോലീസ് കേസെടുത്ത് അന്വേഷണം തുടങ്ങി.