കുമ്മനം: അയോദ്ധ്യ ശ്രീരാമക്ഷേത്ര നിര്മ്മാണ ധനസംഗ്രഹ സമ്പര്ക്കയജ്ഞത്തിന്റെ പ്രചാരണാര്ത്ഥം കുമ്മനം സൗഹൃദ കവലയ്ക്കു സമീപം ഒട്ടിച്ച പോസ്റ്ററുകളില് കരിഓയില് ഒഴിച്ച് നശിപ്പിച്ചു.
ബിജെപി തെരഞ്ഞെടുപ്പിന് വേണ്ടി ബുക്ക് ചെയ്ത സ്ഥലത്താണ് പോസ്റ്ററുകള് ഒട്ടിച്ചത്. കഴിഞ്ഞ ദിവസം ഇവിടെ പതിച്ച പോസ്റ്ററുകള് വലിച്ചുകീറിയശേഷം എസ്ഡിപിഐയുടെ പോസ്റ്ററുകള് ഒട്ടിച്ചിരുന്നു. ഇതുനീക്കി ഇവിടെ വീണ്ടും സമ്പര്ക്കയജ്ഞത്തിന്റെ പോസ്റ്ററുകള് പതിക്കുകയായിരുന്നു. സംഭവത്തിന് പിന്നില് എസ്ഡിപിഐയാണെന്ന് ബിജെപി ഏറ്റുമാനൂര് മണ്ഡലം ജനറല് സെക്രട്ടറി ആന്റണി അറയില് ആരോപിച്ചു. പോലീസ് സ്ഥലത്തെത്തി വിവരങ്ങള് ശേഖരിച്ചു.
ആര്എസ്എസ് – ബിജെപി നേതാക്കളായ വിനോദ് പുല്ലുവാക്കല്ചിറ, വിജിത്ത് കൊല്ലവറ, മനോജ് നെടുംതറ, പ്രവീണ്കുമാര് പ്രണവം, മുരാരി ഉത്തമന്, സജീവ് എന്നിവര് സ്ഥലം സന്ദര്ശിച്ചു. പോലീസില് പരാതി നല്കുമെന്ന് നേതാക്കള് അറിയിച്ചു.
