മാഡ്രിഡ്: അത്‌ലറ്റിക്കോ മാഡ്രിഡ് സ്‌ട്രൈക്കര്‍ ലൂയി സുവാരസ് ഗോളടി തുടരുന്നു. ലാ ലിഗിയില്‍ സെല്‍റ്റ വിഗോക്കെതിരായ മത്സരത്തില്‍ സുവാരസ് രണ്ട് ഗോള്‍ നേടിയെങ്കിലും മത്സരം സമനിലയായി. അവസാന നിമിഷങ്ങളില്‍ സെല്‍റ്റ വിഗോ താരം ഫെറേറിയ നേടിയ ഗോളാണ് അത്‌ലറ്റിക്കോയ്‌ക്ക് വിജയം നിഷേധിച്ചത്. തുടര്‍ച്ചയായ എട്ട് വിജയങ്ങള്‍ക്കുശേഷം മാഡ്രിഡിന്റെ ആദ്യ സമനിലയാണിത്.
കളിയുടെ പതിമൂന്നാം മിനിറ്റില്‍ സാന്റി മിനയുടെ ഗോളില്‍ സെല്‍റ്റ മുന്നിലെത്തി. എന്നാല്‍ 45, 50 മിനിറ്റുകളില്‍ സുവാരസ് ലക്ഷ്യം കണ്ടതോടെ അത്‌ലറ്റിക്കോ 2-1 ന് മുന്നിലായി. കളിയവസാനിക്കാന്‍ ഒരു മിനിറ്റുള്ളപ്പോഴാണ് സെല്‍റ്റ നിര്‍ണായക ഗോളിലൂടെ സമനില പിടിച്ചത്.
ഈ സമനിലയോടെ അത്‌ലറ്റിക്കോ മാഡ്രിഡ് ഇരുപത് മത്സരങ്ങളില്‍ അമ്പത്തിയൊന്ന് പോയിന്റുമായി ഒന്നാം സ്ഥാനത്ത് തുടരുകയാണ്.
പ്രതികരിക്കാൻ ഇവിടെ എഴുതുക: