അല്‍ റായന്‍ (ഖത്തര്‍): ബയേണ്‍ മ്യൂണിക്ക് ക്ലബ്ബ് ലോകകപ്പിന്റെ ഫൈനലില്‍ കടന്നു. സെമിഫൈനലില്‍ ഈജി്പ്ഷ്യന്‍ ക്ലബ്ബായ അല്‍ അഹ്‌ലിയെ മടക്കമില്ലാത്ത രണ്ട് ഗോളുകള്‍ക്ക് തോല്‍പ്പിച്ചു. സൂപ്പര്‍ സ്റ്റാര്‍ ലെവന്‍ഡോസ്‌കിയാണ് രണ്ട് ഗോളും നേടിയത്.
ആഫ്രിക്കന്‍ ചാമ്പ്യന്മാരായ അല്‍ അഹ് ലി്െക്കതിരെ ബയേണ്‍ മികച്ച പ്രകടനമാണ് നടത്തിയത്. പതിനേഴാം മിനിറ്റില്‍ ലെവന്‍ഡോസ്‌കി ആദ്യ ഗോള്‍ നേടി. ആദ്യ പകുതിയുടെ അവസാന നിമിഷങ്ങളില്‍ ലെവന്‍ഡോസ്‌കിക്ക് ലീഡ് ഉയര്‍ത്താന്‍ അവസരം ലഭിച്ചതാണ്. പക്ഷെ ഗോളി മാത്രം മുന്നില്‍ നില്‍ക്കെ ലെവന്‍ഡോസ്‌കി തൊടുത്തുവിട്ട ഷോട്ട് പോസ്റ്റിന് മുകളിലൂടെ പറന്നുപോയി.
കളിയവസാനിക്കാന്‍ നാലു മിനിറ്റുള്ളപ്പോള്‍ ലെവന്‍ഡോസ്‌കി രണ്ടാം ഗോള്‍ കുറിച്ചു. ലിറോയ് സെയ്‌നിന്റെ പാസ് മുതലാക്കിയാണ് ലെവന്‍ഡോസ്‌കിയാണ് സ്‌കോര്‍ ചെയ്തത്.
പ്രതികരിക്കാൻ ഇവിടെ എഴുതുക