കൊവിഡ് രോഗികളുടെ എണ്ണം പെരുകുന്നു; നിയന്ത്രണങ്ങൾ കടുപ്പിച്ച് അബുദാബി, സിനിമാ തിയേറ്ററുകൾ അടച്ചിട്ടു, മാളുകൾക്കും നിയന്ത്രണം

അബുദാബി: കൊവിഡ് രോഗികളുടെ എണ്ണം മൂവായിരത്തിന് മുകളിൽ എത്തിയതോടെ അബുദാബി നിയന്ത്രണങ്ങൾ കടുപ്പിച്ചു. തുടർച്ചയായ ദിവസങ്ങളിലാണ് ഇവിടെ രോഗ ബാധിതരുടെ എണ്ണം കൂടിയത്. ഇനിയൊരു അറിയിപ്പ് ഉണ്ടാകുന്നതുവരെ സിനിമാ തിയേറ്ററുകൾ അടച്ചിടും. മാളുകളിൽ ഒരേ സമയം നാൽപ്പത് ശതമാനം പേർക്ക് മാത്രമായി പ്രവേശനം പരിമിതപ്പെടുത്തി.

റെസ്റ്റോറന്റുകളിലും കഫേകളിലും 60 ശതമാനം പേർക്ക് മാത്രമായിരിക്കും പ്രവേശനം. അജ്‌മാനിലും നിയന്ത്രണങ്ങൾ കടുപ്പിച്ചിട്ടുണ്ട്. രാത്രി പന്ത്രണ്ട് മണിക്ക് ശേഷം കഫ്റ്റീരിയകൾ, കഫേകൾ എന്നിവ തുറക്കില്ല. അതേസമയം ഹോം ഡെലിവറി ആകാമെന്ന് അജ്മാൻ സാമ്പത്തിക വികസന വകുപ്പ് അറിയിച്ചു.