തിരുവനന്തപുരം: സിപിഎമ്മിന്റെ മുഖ വാരിക ചിന്തയില്‍ അദാനിയുടെ പരസ്യം. ജനുവരി അവസാനവാരം ഇറങ്ങിയ ലക്കത്തിലാണ് അദാനി ഗ്രൂപ്പിന്റെ മുഴുവന്‍ പേജ് പരസ്യം. രാജ്യത്തെ കല്‍ക്കരി ഖനനം, തുറമുഖം, ഊര്‍ജ്ജ ഉത്പാദനം എന്നീ മേഖലകളില്‍ ഒന്നാം സ്ഥാനക്കാരന്‍ എന്ന് അവകാശപ്പെടുന്നതാണ് ചിന്തയിലെ പരസ്യം.
തിരുവനന്തപുരം വിമാനത്താവളം അദാനിക്ക് നല്‍കുന്നതില്‍ പ്രതിഷേധിച്ച് സി പി എം പ്രത്യക്ഷ സമരത്തിലാണ്. ഇക്കാര്യത്തില്‍ മുഖ്യമന്ത്രിടയക്കം നിരവധി വിമര്‍ശനങ്ങളും ഉന്നയിച്ചിരുന്നു. വിമാനത്താവള കൈമാറ്റം സംബന്ധിച്ച് സര്‍ക്കാരിന്റെ കേസ് ഇപ്പോഴും തുടരുകയാണ്. അതിനിടെയാണ് പാര്‍ട്ടി വാരികയില്‍ തന്നെ അദാനിയെ പുകഴ്‌ത്തിയുളള പരസ്യം വന്നിരിക്കുന്നത്.
കേന്ദ്ര സര്‍ക്കാരും അദാനി ഗ്രൂപ്പുമായുളള ബന്ധം ഉന്നയിച്ച് നിരവധി ലേഖനങ്ങളാണ് ചിന്തയില്‍ അച്ചടിച്ച് വന്നിട്ടുളളത്. രാഷ്‌ട്രീയ നയത്തില്‍ എതിര്‍ ചേരിയില്‍ നിര്‍ത്തിയിരിക്കുന്ന അദാനി ഗ്രൂപ്പിന്റെ പരസ്യം പണം വാങ്ങി സിപിഎം വാരിക അച്ചടിച്ചതില്‍ പാര്‍ട്ടിക്കുള്ളില്‍ തന്നെ ചേരിപ്പോരുണ്ട്.
പ്രതികരിക്കാൻ ഇവിടെ എഴുതുക: