മോഹന്ലാല് ബി. ഉണ്ണികൃഷ്ണന് ചിത്രം ‘ആറാട്ടി’ന്റെ ഫസ്റ്റ് ലുക്ക് പോസ്റ്റര് പുറത്ത്. ആരാധകര് ഏറെ കാത്തിരുന്നു ചിത്രം മോഹന്ലാല് തന്റെ ഫേസ്ബുക്ക് പേജിലൂടെയാണ് പങ്കുവച്ചത്. അരമണിക്കുര് കൊണ്ട് ആറുപതിനായിരം പേരാണ് ചിത്രം ലൈക്ക് ചെയ്തത്. കൊറോണയ്ക്ക് ശേഷം തീയറ്ററില് എത്താന് പോക്കുന്ന ആദ്യ മോഹന്ലാല് ചിത്രമായിരിക്കും ആറാട്ട്.
കറുത്ത ഷര്ട്ടും മുണ്ടുമുട്ത്ത് കളരി ചുവട് വച്ച് അമര്ന്നിരിക്കുന്ന താരത്തിന്റെ ലുക്കാണ് ഇപ്പോള് പുറത്തുവന്നിരിക്കുന്നത്. വില്ലന് എന്ന സിനിമയ്ക്ക് ശേഷം ബി ഉണ്ണികൃഷ്ണനും മോഹന്ലാലും ഒരുമിക്കുന്ന സിനിമയാണ് ‘നെയ്യാറ്റിന്കര ഗോപന്റെ ആറാട്ട്’. സ്വന്തം ദേശമായ നെയ്യാറ്റിന്കരയില് നിന്ന് പാലക്കാട്ടെ ഒരു ഗ്രാമത്തിലേക്ക് പ്രത്യേക ലക്ഷ്യത്തോടെ ഗോപന് എത്തുന്നതും പിന്നീട് നടക്കുന്ന സംഭവങ്ങളുമാണ് സിനിമയുടെ പ്രമേയം.
ശ്രദ്ധ ശ്രീനാഥാണു നായിക. നെടുമുടി വേണു, സായ്കുമാര്, സിദ്ദിഖ്, വിജയരാഘവന്, ജോണി ആന്റണി, ഇന്ദ്രന്സ്, രാഘവന്, നന്ദു, ബിജു പപ്പന്, ഷീല, സ്വാസിക, മാളവിക, രചന നാരായണന്കുട്ടി തുടങ്ങിയ വന്താരനിരയും സിനിമയിലുണ്ട്. ക്യാമറ: വിജയ് ഉലകനാഥ്, എഡിറ്റര്: സമീര് മുഹമ്മദ്. സംഗീതം: രാഹുല് രാജ്. കലാസംവിധാനം: ജോസഫ് നെല്ലിക്കല്. വസ്ത്രാലങ്കാരം: സ്റ്റെഫി സേവ്യര്.
