രാമപുരം: പാലാ – തൊടുപുഴ റോഡില് മാനത്തൂര് പെട്രോള് പമ്പിന് സമീപം പെട്ടിക്കട നടത്തുന്ന കുറ്റിപൂവത്തുങ്കല് അമ്മിണി (65)യുടെ ഒരുപവന് തൂക്കമുള്ള സ്വര്ണ്ണമാല ബൈക്കിലെത്തിയ യുവാക്കള് മോഷ്ടിച്ചു.
ഇന്നലെ ഉച്ചയ്ക്ക് ഒരു മണിക്ക് തൊടുപുഴ ഭാഗത്തുനിന്നും പള്സര് ബൈക്കില് എത്തിയ മോഷ്ടാക്കള് അമ്മിണിയോട് നാരങ്ങാവെള്ളം ആവശ്യപ്പെടുകയും അതിലൊരാള് കടയുടെ പിന്നിലൂടെ വന്ന് മാല പൊട്ടിച്ചു കടന്നു കളയുകയുമായിരുന്നു. അമ്മിണി ഒച്ചവച്ചത് കേട്ട് ആളുകള് ഓടിയെത്തിയപ്പോഴേയ്ക്കും മോഷ്ടാക്കള് ഓടിച്ച പള്സര് ബൈക്ക് പാലാ ഭാഗത്തേയ്ക്ക് പോയിരുന്നു.
ബൈക്കിന്റെ നമ്പറില് അന്വേഷണം നടത്തിയപ്പോള് കാഞ്ഞിരപ്പള്ളിയിലുള്ള ഒരു കാറിന്റെ നമ്പരാണ് ഇതെന്ന് അറിയാന് കഴിഞ്ഞതെന്ന് നാട്ടുകാര് പറഞ്ഞു. മൂന്ന് മാസം മുമ്പ് മാനത്തൂര് സ്കൂളിന് സമീപം പെട്ടിക്കട നടത്തുന്ന സ്ത്രീയുടെ മാല സമാനമായ രീതിയില് മോഷ്ടിച്ചവരെ പോലീസിന് ഇതുവരെ പ്രതികളെ പിടികൂടാനായിട്ടില്ല
