കോഴിക്കോട്: ഗവർണറുടെ അധികാര പരിധിയെക്കുറിച്ച് പ്രതിപക്ഷ നേതാവ് രമേശ് ചെന്നിത്തല തന്നെ പഠിപ്പിക്കേണ്ടതില്ലെന്ന് മിസോറാം ഗവർണർ അഡ്വ.പി.എസ് ശ്രീധരൻപിള്ള. കോഴിക്കോട്ട് മാധ്യമ പ്രവർത്തകരുടെ ചോദ്യത്തിന് മറുപടി പറയുകയായിരുന്നു അദ്ദേഹം. ഇത്തരത്തിൽ പ്രതികരിച്ച ചെന്നിത്തല തന്റെ അജ്ഞത സ്വയം വെളിവാക്കുകയാണ്.
ഗവർണറുടെ അധികാര പരിധി എന്തൊക്കെയെന്ന് താൻ പഠിച്ചിട്ടുണ്ട്. കേരളത്തിലേക്ക് വരാൻ രമേശ് ചെന്നിത്തലയുടെ അനുവാദം ആവിശ്യമില്ല. കേന്ദ്രത്തിന്റെ തുടക്കം 5000 കോടി രൂപയുടെ ന്യൂനപക്ഷങ്ങൾക്കുള്ള സഹായ വിതരണത്തിലെ വിവേചനം രേഖാമൂലം തന്നെ അറിയിച്ചത് സഭാ നേതൃത്വമാണ്. 9 മാസത്തിന് ശേഷം മിസോറാമിൽ നിന്ന് കേരളത്തിലെത്തിയ ശേഷം ആരാധ്യനായ കർദ്ദിനാൾ അടിയന്തിരമായി കാണണമെന്ന് എന്നോട് ആവശ്യപ്പെടുകയായിരുന്നു. ഇക്കാര്യം പ്രധാനമന്ത്രിയുടെ ശ്രദ്ധയിൽ പെടുത്തി. തന്നെ വിമർശിക്കുന്നവർ ഈ വിവേചനത്തെക്കുറിച്ച് മിണ്ടാത്തതെന്തായിരുന്നുവെന്ന് വ്യക്തമാക്കണം.
അനീതിക്കും വിവേചനത്തിനമെതിരെ നിലപാട് എടുക്കുന്നത് പാപമാണെന്ന് കരുതുന്നില്ല. അദ്ദേഹം പറഞ്ഞു.
