ന്യൂദല്ഹി: പ്രതിരോധ ഉപകരണങ്ങളുടെ വന്കിട നിര്മ്മാതാവായി ഇന്ത്യ ഉയരു പ്രധാനമന്ത്രി നരേന്ദ്ര മോദി. ന്യൂദല്ഹിയിലെ കരിയപ്പ ഗ്രൗണ്ടില് നടന്ന ദേശീയ കേഡറ്റ് കോറിന്റെ (എന്സിസി) റാലിയെ അഭിസംബോധന ചെയ്യുകയായിരുന്നു അദ്ദേഹം.
സാമൂഹിക ജീവിതത്തില് കര്ശന അച്ചടക്കമുള്ള രാജ്യങ്ങള് എല്ലാ മേഖലകളിലും അഭിവൃദ്ധി പ്രാപിക്കുന്നുവെന്ന് ചടങ്ങിനെ അഭിസംബോധന ചെയ്യവെ പ്രധാനമന്ത്രി പറഞ്ഞു. ഇന്ത്യയുടെ സാമൂഹിക ജീവിതത്തില് ഈ അച്ചടക്കം വളര്ത്തുന്നതില് എന്സിസിക്ക് വലിയ പങ്കുണ്ട്. യൂണിഫോമിലുള്ള ഏറ്റവും വലിയ യുവജന സംഘടനയെന്ന നിലയില് എന്സിസി അനുദിനം വളര്ച്ച നേടുന്നുണ്ടെന്ന് പ്രധാനമന്ത്രി പറഞ്ഞു. ശൗര്യവും സേവനവും എന്ന ഇന്ത്യന് പാരമ്പര്യം പ്രോത്സാഹിപ്പിക്കപ്പെടുന്നിടത്തും ഭരണഘടനയെക്കുറിച്ചുള്ള അവബോധം സൃഷ്ടിക്കുന്നിടത്തും എന്സിസി കേഡറ്റുകളുടെ സാന്നിധ്യം ഉണ്ട്. അതുപോലെ, പരിസ്ഥിതിയുടെയോ, ജലത്തിന്റെയോ സംരക്ഷണവുമായി ബന്ധപ്പെട്ട് ഏതൊരു പദ്ധതിയിലും എന്സിസി പങ്കാളിത്തമുണ്ട്. കൊറോണ പോലുള്ള വിപത്തുകളില് എന്സിസി കേഡറ്റുകള് നല്കിയ സംഭാവനകളെ പ്രധാനമന്ത്രി പ്രശംസിച്ചു.
പൗരന്മാരും സിവില് സമൂഹവും ഇത് പിന്തുടര്ന്നാല് നിരവധി വെല്ലുവിളികളെ വിജയകരമായി നേരിടാനാകും. നമ്മുടെ രാജ്യത്തിന്റെ വലിയൊരു ഭാഗത്തെ ബാധിച്ചിരുന്ന നക്സലിസത്തിനെയും മാവോയിസത്തിനെയും തകര്ത്തത് സുരക്ഷാ സേനയുടെ ധീരതയും പൗരന്മാരുടെ കര്ത്തവ്യബോധവുമെന്ന് മോദി പറഞ്ഞു. ഇപ്പോള് നക്സല് ഭീഷണി രാജ്യത്തെ ചുരുക്കം പ്രദേശങ്ങളില് മാത്രമായി പരിമിതപ്പെടുകയും നക്സലിസത്തിന്റെ പാതയില് ഉണ്ടായിരുന്ന യുവാക്കള് വികസന മുഖ്യധാരയില് ചേരാന് അക്രമത്തിന്റെ പാത ഉപേക്ഷിക്കുകയും ചെയ്തു.
കൊറോണ കാലഘട്ടം വെല്ലുവിളി നിറഞ്ഞതാണെന്ന് പ്രധാനമന്ത്രി പറഞ്ഞു, എന്നാല് ഇത് രാജ്യത്തിന് അസാധാരണമായ പ്രവര്ത്തനത്തിനുള്ള അവസരങ്ങള് കൊണ്ടുവന്നു, രാജ്യത്തിന്റെ കഴിവുകള് മെച്ചപ്പെടുത്തുക, അത് സ്വയം പര്യാപ്തിയിലെത്തിക്കുക, സാധാരണയില് നിന്ന് മികച്ചതിലേക്ക് പോകുക. ഇതില് യുവാക്കള്ക്ക് പ്രധാന പങ്കുണ്ടെന്ന് പ്രധാനമന്ത്രി പറഞ്ഞു.
വൈറസ് വെല്ലുവിളികളും , പ്രതിരോധ വെല്ലുവിളികളും നേരിടാനുള്ള ഇന്ത്യയുടെ കഴിവുകളെ കുറിച്ച് വിശദീകരിക്കവെ ലോകത്തിലെ തന്നെ ഏറ്റവും മികച്ച യുദ്ധ യന്ത്രങ്ങളിലൊന്നാണ് രാജ്യത്തിനുള്ളതെന്ന് പ്രധാനമന്ത്രി പറഞ്ഞു. യുഎഇ, സൗദി അറേബ്യ, ഗ്രീസ് എന്നിവയുടെ സഹായത്തോടെ പുതിയ റാഫേല് വിമാനങ്ങള്ക്ക് ആകാശത്തില് തന്നെ ഇന്ധനം നിറയ്ക്കാനായത് ഗള്ഫ് രാജ്യങ്ങളുമായുള്ള ബന്ധം ശക്തിപ്പെട്ടതിന്റെ പ്രതിഫലനം ആയിരുന്നെന്ന് അദ്ദേഹം പറഞ്ഞു. അതുപോലെ, പ്രതിരോധ മേഖലയുമായി ബന്ധപ്പെട്ട നൂറിലധികം ഉപകരണങ്ങള് രാജ്യത്ത് നിര്മ്മിക്കാന് ഇന്ത്യ തീരുമാനിച്ചിട്ടുണ്ട്. ഇതും വ്യോമസേനയുടെ 80 തേജസ് യുദ്ധവിമാനങ്ങള്ക്കുള്ള ഓര്ഡറും, നിര്മ്മിത ബുദ്ധിയുമായി ബന്ധപ്പെട്ട യുദ്ധതന്ത്രങ്ങള്ക്കുള്ള കൂടുതല് ഊന്നലും ഇന്ത്യയെ പ്രതിരോധ ഉപകരണങ്ങളുടെ ഒരു വിപണി എന്നതിന് പകരം പ്രതിരോധ ഉപകരണങ്ങളുടെ പ്രധാന നിര്മ്മാതാവ് എന്ന നിലയില് ഇന്ത്യ ഉയര്ന്നുവരുന്നുവെന്ന് ഉറപ്പാക്കും. പ്രധാനമന്ത്രി പറഞ്ഞു
