ന്യൂദല്ഹി: ഗാസിപൂരിലുള്ള ഇടനിലക്കാരുടെ സമരകേന്ദ്രം ഒഴിപ്പിക്കാന് കടുത്ത നടപടികളുമായി ജില്ലാ ഭരണകൂടം. വൈദ്യുതിയും ജലവിതരണവും നിര്ത്തിവച്ചതിന് പിന്നാലെ പോലീസ് സമരപന്തലില് എത്തി. അക്രമത്തില് ഒന്നാം പ്രതിയായ ഇടനിലക്കാരുടെ നേതാവ് രാകേഷ് ടികായത്തിന് കസ്റ്റഡിയില് എടുക്കാനാണ് പോലീസ് എത്തിയിരിക്കുന്നത്.
ഗാസിപുരിലെ സമരകേന്ദ്രത്തില്നിന്ന് ഒഴിഞ്ഞുപോകണമെന്ന് ആവശ്യപ്പെട്ട് നേരത്തെ കര്ഷകര്ക്ക് നോട്ടിസ് നല്കിയിരുന്നു. രാകേഷ് ടികായത്ത് കീഴടങ്ങുമെന്നാണ് ഇപ്പോള് പുറത്തുവരുന്ന റിപ്പോര്ട്ട്. അതേസമയം സര്ക്കാര് നടപടികള് കടുപ്പിച്ചതോടെ ഇടനിലക്കാര് പലരും സമരപന്തല് ഒഴിഞ്ഞുപോയി. നൂറില് താഴെ ആള്ക്കാരെ ഇപ്പോള് സമരപന്തലില് ഉള്ളൂ. സമരപന്തലില് എത്തിയ പോലീസ് ഒഴിഞ്ഞു പോകാന് നോട്ടീസ് പതിപ്പിച്ചു. ഇന്നു വൈകിട്ടോടെ ദേശീയ പാത കൈയേറി സമരം ചെയ്ത ഇടനിലക്കാരെ ഒഴിവാക്കുകയും റോഡുകള് തുറക്കുകയും ചെയ്തിരുന്നു.
ദല്ഹി-യുപി അതിര്ത്തിയായ ഗാസിപ്പൂരില് തമ്പടിച്ചിരിക്കുന്ന കര്ഷകരോട് എത്രയും വേഗം സ്ഥലത്ത് നിന്ന് ഒഴിഞ്ഞുപോകണമെന്ന് ജില്ലാ ഭരണകൂടം ആവശ്യപ്പെട്ടിരുന്നു. റിപ്പബ്ലിക് ദിനത്തില് നടത്തിയ ട്രാക്ടര് പരേഡില് ഒരുവിഭാഗം സംഘര്ഷമുണ്ടാക്കിയ പശ്ചാത്തലത്തിലാണ് കടുത്ത നടപടി. അതേസമയം, സംഘര്ഷത്തില് കര്ഷക നേതാക്കള്ക്ക് എതിരെ ഡല്ഹി പോലീസ് ലുക്ക് ഔട്ട് നോട്ടീസ് പുറപ്പെടുവിച്ചു.
20 കര്ഷക നേതാക്കള്ക്ക് എതിരെയാണ് ലുക്ക് ഔട്ട് നോട്ടീസ് പുറപ്പെടുവിച്ചിരിക്കുന്നത്. ഇവരുടെ പാസ്പോര്ട്ടുകള് പിടിച്ചെടുക്കുമെന്നും പൊലീസ് വ്യക്തമാക്കി.കേന്ദ്ര ആഭ്യന്തരമന്ത്രി അമിത് ഷായുടേ നേതൃത്വത്തില് കഴിഞ്ഞദിവസം ചേര്ന്ന യോഗത്തിന് ശേഷമാണ് കര്ഷക സംഘടന നേതാക്കള്ക്ക് എതിരെ കടുത്ത നടപടിയിലേക്ക് പൊലീസ് നീങ്ങിയത്. മേധാ പട്കര്, യോഗേന്ദ്ര യാദവ് അടക്കം 37 നേതാക്കള്ക്ക് എതിരെ ഡല്ഹി പൊലീസ് എഫ്ഐആര് രജിസ്റ്റര് ചെയ്തിട്ടുണ്ട്. ചെങ്കോട്ടയിലുള്പ്പെടെ നടന്ന അക്രമ സംഭവങ്ങള്ക്ക് പിന്നില് ഈ നേതാക്കള് നടത്തിയ ആഹ്വാനമാണ് എന്നാണ് പൊലീസ് നിലപാട്.
