തിരുപ്പത്തൂര്‍: അമ്മന്‍ കോവിലിന്റെ ചുമരുകളില്‍ നിറയെ കുരിശ് വരച്ച് മതംമാറിയ യുവാവ്. ആന്ധ്ര തമിഴ്‌നാട് അതിര്‍ത്തിയിലുള്ള തിരുപത്തൂര്‍ ജില്ലയിലെ എല്ലപ്പള്ളിയിലാണ് നടുക്കമുണര്‍ത്തിയ സംഭവം.
250 വര്‍ഷത്തിലേറെ പഴക്കമുള്ള അമ്മന്‍ കോവിലിലാണ് സംഭവം നടന്നത്. ഈയിടെ ഗ്രാമവാസികള്‍ അമ്മന്‍കോവില്‍ പുതുക്കിപ്പണിതിരുന്നു. ഇന്ത്യയില്‍ ഉടനീളം ക്ഷേത്രങ്ങള്‍ക്ക് നേരെയുള്ള കടന്നുകയറ്റം കൂടിവരികയാണെന്നും മതംമാറ്റത്തിനായി പ്രവര്‍ത്തിക്കുന്ന മാഫിയ തമിഴ്‌നാട്ടിലെ തിരുപ്പത്തൂരിലും കയ്യേറ്റം നടത്തിയെന്നും മിഷന്‍ കാളി എന്ന ട്വിറ്റര്‍ ഗ്രൂപ്പ് കുറിക്കുന്നു.
മഹേന്ദ്രന്‍-ബേബി ദമ്പതികളുടെ മകന്‍ ഭാസ്‌കര്‍ ആണ് നിരന്തരം ക്ഷേത്രങ്ങള്‍ക്ക് നേരെ ആക്രമണം നടത്തുന്നതെന്ന് ഗ്രാമവാസികള്‍ പറയുന്നു. ജനവരി 14ന് ക്ഷേത്രത്തിലെ വെളിച്ചമെല്ലാം അണച്ചതിന് ശേഷമാണ് ചുമരില്‍ കുരിശ് വരച്ചതെന്നാണ് പറയുന്നത്. ക്ഷേത്രത്തിന് അരികിലുള്ള പാലത്തിലും വൈദ്യുതിപോസ്‌ററിലും കുരിശു വരച്ചിരുന്നതായി പറയുന്നു.
ഹിന്ദുക്കള്‍ ചോദ്യം ചെയ്തപ്പോള്‍ അസഭ്യം പറഞ്ഞ് തട്ടിക്കയറുകയായിരുന്നു ഭാസ്‌കറെന്നാണ് ഗ്രാമവാസികളുടെ വിശദീകരണം. താന്‍ ആര്‍ക്കു വേണ്ടിയാണോ ജോലി ചെയ്യുന്നത് അവരെ ആര്‍ക്കും ഒന്നും ചെയ്യാനാവില്ലെന്നും ഭാസ്‌കര്‍ ഭീഷണി മുഴക്കിയതായും പറയപ്പെടുന്നു. നേരത്തെ ദേവതയുടെ വിഗ്രഹം ഉടയ്‌ക്കുകയും ഭണ്ഡാരം തകര്‍ക്കുകയും ചെയ്തതിന് ഭാസ്‌കറെ പൊലീസ് അറസ്റ്റ് ചെയ്തിരുന്നു. അതിന് ശേഷവും അയാള്‍ അക്രമം തുടരുകയാണ്.
ഇപ്പോള്‍ ഗ്രാമവാസികള്‍ക്കായി ഹിന്ദുമുന്നണി രംഗത്തിറങ്ങിയിരിക്കുകയാണ്. മതപരിവര്‍ത്തനം നടത്തുന്ന മിഷണറിമാര്‍ക്കെതിരെ പ്രവര്‍ത്തിക്കുന്ന സംഘടനയാണ് ഹിന്ദുമുന്നണി. ആന്ധ്രയില്‍ തുടര്‍ച്ചയായി ഹിന്ദുക്ഷേത്രങ്ങള്‍ ആക്രമിക്കപ്പെടുകയാണ്. ഇവിടം സുവിശേഷകരുടെ പറുദീസയായി മാറിയിരിക്കുകയാണ്. ഇപ്പോള്‍ ആന്ധ്ര-തമിഴ്‌നാട് അതിര്‍ത്തിപ്രദേശത്തേക്കും മതപരിവര്‍ത്തനവും ഹിന്ദുക്ഷേത്രങ്ങള്‍ക്ക് നേരെയുള്ള കയ്യേറ്റവും അതിവേഗം പടര്‍ന്നു പിടിക്കുകയാണ്.
പ്രതികരിക്കാൻ ഇവിടെ എഴുതുക: