ലകനൗ: ഉത്തര്‍പ്രദേശ് നിയമസഭാ കൗണ്‍സില്‍ ഗാലറിയിലെ സവര്‍ക്കറിന്റെ ചിത്രം നീക്കണമെന്ന് ആവശ്യപ്പെട്ട് കോണ്‍ഗ്രസ് രംഗത്ത്. പാര്‍ട്ടിയുടെ നിയമസഭാ കൗണ്‍സില്‍ അംഗം ദീപക് സിംഗ് കൗണ്‍സില്‍ ചെയര്മാന് കത്ത് നല്‍കി. ചിത്രം ബിജെപി ഓഫിസിലാണ് പതിപ്പിക്കേണ്ടത്, സ്വാതന്ത്ര്യസമര പോരാളികള്‍ക്കൊപ്പം സവര്‍ക്കറിന്റെ ചിത്രം പതിപ്പിച്ചത് അപമാനകരമാണെ് തുടങ്ങിയ വാദങ്ങളാണ് കത്തില്‍ നിരത്തുന്നത്. ആവശ്യമായ നടപടികള്‍ സ്വീകരിക്കാന്‍ ചെയര്മാന് പ്രിന്‍സിപ്പല്‍ സെക്രട്ടറിക്ക് നിര്‍ദേശം നല്‍കിയതായി ദീപക് സിംഗ് മാധ്യമങ്ങള്‍ക്ക് മുന്‍പില്‍ അവകാശപ്പെട്ടു.
സര്‍വര്‍ക്കര്‍ മഹാനായ സ്വാതന്ത്ര്യസമര പോരാളിയാണെന്ന് കൗണ്‍സില്‍ ഗാലറിയില്‍ ചിത്രത്തിന്റെ അനാച്ഛാദനം നടത്തിക്കൊണ്ട് ചൊവ്വാഴ്ച മുഖ്യമന്ത്രി യോഗി ആദിത്യനാഥ് പറഞ്ഞിരുന്നു. സവര്‍ക്കറിന്റെ വ്യക്തിത്വം എല്ലാ ഇന്ത്യക്കാര്‍ക്കും പ്രചോദനമാണെന്നും അഭിപ്രായപ്പെട്ടു.
പ്രതികരിക്കാൻ ഇവിടെ എഴുതുക: