കൗമാരക്കാരിയുടെ അവസരോചിതമായ ഇടപെടൽ, കോവിഡ് ബാധിച്ച കുടുംബാംഗങ്ങളെ അഗ്നിക്കിരയാകാതെ രക്ഷപ്പെടുത്തി

ടെക്സസ്: കൗമാരക്കാരിയുടെ അവസരോചിതമായ ഇടപെടൽ മൂലം കോവിഡ് ബാധിച്ച തന്റെ കുടുംബാംഗങ്ങളെ അഗ്നിക്കിരയാകാതെ രക്ഷപ്പെടുത്തി. കോവിഡ് ബാധിതരായി ഗന്ധം അറിയാൻ കഴിയാത്ത അവസ്ഥയിലായിരുന്നു ടെക്‌സാസിലെ ഒരു കുടുംബം. തീപടർന്ന് പുകമണം പരന്നിട്ടും അവർക്കത് തിരിച്ചറിയാൻ കഴിഞ്ഞില്ല.  

കുടുംബാംഗമായ പതിനേഴുകാരി ബിയാങ്ക റിവേരയ്‌ക്ക് മാത്രം തീപടരുന്നതിന്റെയും പുകയുടെയും ഗന്ധം അനുഭവപ്പെട്ടത് മറ്റു മൂന്ന് പേരെക്കൂടി അഗ്നിക്കിരയാകാതെ രക്ഷപ്പെടുത്താനായി. പ്ലാസ്റ്റിക് കത്തുന്നതിന്റെ മണം അനുഭവപ്പെട്ട ഉടൻ ഞാൻ ജാഗ്രത പുലർത്തി. മുറിയിൽ നിന്ന് ഓടിയിറങ്ങി. അപ്പോഴേക്കും പുക നിറഞ്ഞിട്ട് മുന്നോട്ട് നീങ്ങാൻ കഴിയാത്ത അവസ്ഥയായി. പിൻ വാതിൽ തുറന്ന് മറ്റു മൂന്നുപേരെയും വിളിച്ചുണർത്തി. ഓരോരുത്തരെയായി പുറത്തെത്തിച്ചു.’ ബിയാങ്ക തന്റെ സാഹസികമായ അനുഭവം പങ്കുവച്ചു.