ചവറ: പന്മന പഞ്ചായത്തിലെ ചോല വാര്‍ഡില്‍ 21ന് നടക്കുന്ന ഉപതെരഞ്ഞെടുപ്പില്‍ ശക്തമായ പോരാട്ടത്തിലൂടെ വിജയമുറപ്പിച്ച് മുന്നേറുകയാണ് എന്‍ഡിഎ സ്ഥാനാര്‍ത്ഥി പങ്കജാക്ഷന്‍. മൂന്ന് റൗണ്ട് തെരഞ്ഞൈടുപ്പ് പ്രചരണം പൂര്‍ത്തിയാക്കി സ്വീകരണവും കഴിഞ്ഞ് ഇന്ന് കലാശകൊട്ടിനുള്ള ഒരുക്കത്തിലാണ് സ്ഥാനാര്‍ഥി.
ഇന്നലെ വടുതലയില്‍ നിന്നാരംഭിച്ച സ്വീകരണ പര്യടനം ബിജെപി ജില്ലാ പ്രസിഡന്റ് ബി.ബി. ഗോപകുമാര്‍ ഉദ്ഘാടനം ചെയ്തു. വാര്‍ഡിലെ വിവിധ ഭാഗങ്ങളില്‍ ആവേശകരമായ സ്വീകരണമാണ് ലഭിച്ചത്.
സ്വീകരണ യോഗങ്ങളില്‍ ജില്ലാ ജനറല്‍ സെക്രട്ടറി ബി. ശ്രീകുമാര്‍, സെക്രട്ടറി വെറ്റമുക്ക് സോമന്‍, മണ്ഡലം പ്രസിഡന്റ് അജയന്‍ ചേനങ്കര, ബിഡിജെഎസ് മണ്ഡലം ജനറല്‍ സെക്രട്ടറി ശിവകുമാര്‍ എന്നിവര്‍ സംസാരിച്ചു. എല്‍ഡിഎഫ് സ്ഥാനാര്‍ഥി പരമേശ്വരനും കോണ്‍ഗ്രസ് സ്ഥാനാര്‍ത്ഥി അനിലുമാണ്. ഇന്ന് ശബ്ദ പ്രചരണം അവസാനിക്കും. നാളെ നിശബ്ദ പ്രചരണമാണ്.
പ്രദേശികാവധി പ്രഖ്യാപിച്ചു
സ്ഥാനാര്‍ഥികളുടെ മരണത്തെ തുടര്‍ന്ന് തെരഞ്ഞെടുപ്പ് മാറ്റിവച്ച പന്മന ഗ്രാമപഞ്ചായത്തിലെ രണ്ടു വാര്‍ഡുകളുല്‍ 21ന് തെരഞ്ഞെടുപ്പ് നടക്കും. പറമ്പിമുക്ക്, ചോല വാര്‍ഡുകളില്‍ തെരഞ്ഞെടുപ്പുമായി ബന്ധപ്പെട്ട് കളക്ടര്‍ 21ന് പ്രദേശികാവധി പ്രഖ്യാപിച്ചു. പോളിംഗ് സ്റ്റേഷനുകളായ സ്ഥാപനങ്ങള്‍ക്ക് 20നും അവധിയായിരിക്കും.
പ്രതികരിക്കാൻ ഇവിടെ എഴുതുക: