വാസ്‌കോ: ഇഞ്ചുറി ടൈമില്‍ സ്‌കോട്ട് നെവില്ലി നേടിയ ഗോളില്‍ ഈസ്റ്റ് ബംഗാള്‍ ഐഎസ്എല്‍ ഏഴാം സീസണിലെ രണ്ടാം പാദമത്സരത്തില്‍ കേരള ബ്ലാസ്‌റ്റേഴ്‌സിനെ സമനിലയില്‍ പിടിച്ചു നിര്‍ത്തി. ഇരു ടീമുകളും ഓരോ ഗോള്‍ വീതം നേടി. രണ്ടാം പകുതിയിലാണ് രണ്ട് ഗോളും പിറന്നത്.
അറുപത്തിയേഴാം മിനിറ്റില്‍ ജോര്‍ദാന്‍ മറെ ബ്ലാസ്‌റ്റേഴ്‌സിനെ മുന്നിലെത്തിച്ചു. ഇഞ്ചുറി ടൈമിന്റെ അഞ്ചാം മിനിറ്റില്‍ നെവില്ലി ഗോള്‍ മടക്കി.
പതിനൊന്ന് മത്സരങ്ങളില്‍ ബ്ലാസ്‌റ്റേഴ്‌സിന്റെ നാലാം സമനിലയാണിത്. പത്ത് പോയിന്റുമായി പ്ത്താം സ്ഥാനത്താണ്. അതേസമയം ഈസ്റ്റ് ബംഗാള്‍ പതിനൊന്ന് മത്സരങ്ങളില്‍ പതിനൊന്ന് പോയിന്റുമായി ഒമ്പതാം സ്ഥാനത്തും.
ആദ്യ പകുതിയില്‍ ബ്ലാസ്‌റ്റേഴ്‌സാണ് മികച്ച പ്രകടനം കാഴ്ചവച്ചത്. ഒട്ടേറെ അവസരങ്ങളും സൃഷ്ടിച്ചു. പക്ഷെ ആദ്യ പകുതിയില്‍ ഗോള്‍ നേടാനായില്ല. രണ്ടാം പകുതിയിലും മികവ് തുടര്‍ന്ന ബ്ലാസ്‌റ്റേഴ്‌സ് അറുപത്തിനാലാം മിനിറ്റില്‍ ലക്ഷ്യം കണ്ടു. ജോര്‍ദാന്‍ മറെയാണ് സ്‌കോര്‍ ചെയ്തത്. അല്‍ബിനോ ഗോമസ് നല്‍കിയ പാസ് മറെ ഈസ്റ്റ് ബംഗാളിന്റെ വലയിലേക്ക് അടിച്ചുകയറ്റി.. ഇഞ്ചുറി ടൈമില്‍ ഈസ്റ്റ് ബംഗാള്‍ ഗോള്‍ മടക്കി.
ആദ്യപാദത്തിലും ഈ ടീമുകള്‍ തമ്മിലുള്ള മത്സരം സമനിലയായി. ഇരു ടീമുകളും ഓരോ ഗോള്‍ വീതം നേടി.
പ്രതികരിക്കാൻ ഇവിടെ എഴുതുക: