കോവിഡ് പ്രതിസന്ധിക്ക് ശേഷം തീയേറ്ററുകള്‍ തുറന്നപ്പോള്‍ ആദ്യം റിലീസ് ആകാന്‍ ഒരുങ്ങി വെള്ളം. ജയസൂര്യയെ കേന്ദ്ര കഥാപാത്രമാക്കി ജി. പ്രജേഷ് സെന്നാണ് ചിത്രം സംവിധാനം ചെയ്യുന്നത്. 22നാണ് ചിത്രം തിയേറ്ററുകളിലേക്ക് എത്തുന്നത്. ക്യാപ്റ്റന് ശേഷം ഇരുവരും ഒന്നിച്ച ചിത്രമാണ് വെള്ളം.
കണ്ണൂരിലെ ഒരു കുടിയന്റെ കഥ പറയുന്ന ചിത്രം മികച്ച ഒരു ഫാമിലി എന്റര്‍ടെയിന്‍മെന്റായിരിക്കുമെന്ന് സംവിധായകന്‍ പ്രജേഷ് സെന്‍ പറഞ്ഞു. തന്റെ കരിയറിലെ ഏറ്റവും മികച്ച സിനിമയെന്നാണ് ജയസൂര്യ ചിത്രത്തെ വിശേഷിപ്പിച്ചത്. സംയുക്തമേനോന്‍, സ്‌നേഹ പാലിയേരി എന്നിവരാണ് നായികമാര്‍.
കോവിഡിനെ തുടര്‍ന്ന് ലോക്ഡൗണ്‍ പ്രഖ്യാപിച്ചപ്പോള്‍ ആമസോണ്‍ പ്രൈംവഴി ഒടിടി പ്ലാറ്റ്‌ഫോം വഴി ആദ്യം റിലീസ് ചെയ്തതും ജയസൂര്യ അഭിനയിച്ച സൂഫിയും സുജാതയും ആയിരുന്നു. ഇപ്പോള്‍ ഇളവ് വരുത്തി തിയേറ്ററുകള്‍ വീണ്ടും പ്രവര്‍ത്തനം ആരംഭിക്കുമ്പോള്‍ ആദ്യം പ്രദര്‍ശനത്തിന് എത്തുന്നതും ജയസൂര്യയുടെ തന്നെ സിനിമയാണ്.
സിദ്ധിഖ്, ശ്രീലക്ഷ്മി, ബാബു അന്നൂര്‍, സന്തോഷ് കീഴാറ്റൂര്‍, ബൈജു, നിര്‍മല്‍ പാലാഴി, ജോണി ആന്റണി, ഇടവേള ബാബു, ജിന്‍സ് ഭാസ്‌കര്‍ പ്രിയങ്ക എന്നിവര്‍ക്കൊപ്പം ഇന്ദ്രന്‍സ് അതിഥി വേഷത്തിലെത്തുന്നു. ഇത് കൂടാതെ നിരവധി പുതുമുഖങ്ങളെയും ചിത്രത്തില്‍ അഭിനയിപ്പിച്ചിട്ടുണ്ട്.
ഫ്രണ്ട്‌ലി പ്രൊഡക്ഷന്‍സിന് വേണ്ടി ജോസ്‌കുട്ടി മഠത്തില്‍, യദുകൃഷ്ണ, രഞ്ജിത്ത് മണബ്രക്കാട്ട് എന്നിവര്‍ ചേര്‍ന്നാണ് വെള്ളം നിര്‍മിച്ചിരിക്കുന്നത്. ബാബു അന്നൂര്‍, ബൈജു, നിര്‍മല്‍ പാലാഴി, ജോണി ആന്റണി, ഇടവേള ബാബു, പ്രിയങ്ക, തുടങ്ങി മുപ്പതോളം താരങ്ങളാണ് ചിത്രത്തില്‍ അണിനിരക്കുന്നത്.
കോ പ്രൊഡ്യൂസര്‍ ബിജു തോരണത്തേല്‍, ഡിഒപി റോബി വര്‍ഗീസ്, സംഗീതം, പശ്ചാത്തലസംഗീതം ബിജിബാല്‍, വരികള്‍ ബി.കെ ഹരിനാരായണന്‍, നിതീഷ് നടേരി, ഫൗസിയ അബൂബക്കര്‍, എഡിറ്റര്‍ ബിജിത്ത് ബാല, പ്രൊഡക്ഷന്‍ കണ്‍ട്രോളര്‍ സുധര്‍മന്‍ വള്ളിക്കുന്ന്, പ്രൊജക്ട് ഡിസൈന്‍ ബാദുഷ, ആര്‍ട്ട് അജയ് മാങ്ങാട്, കോ- റൈറ്റേഴ്‌സ് ഷംസുദ്ദീന്‍ കുട്ടോത്ത് , വിജേഷ് വിശ്വം, സൗണ്ട് ഡിസൈന്‍ അരുണ്‍ വര്‍മ
മേക്കപ്പ് ലിബിന്‍ മോഹനന്‍, കിരണ്‍ രാജ്, കോസ്റ്റ്യൂം അരവിന്ദ് കെ.ആര്‍, ചീഫ് അസോസിയേറ്റ് ഡയറക്ടര്‍ ഗിരീഷ് മാരാര്‍, അസോസിയേറ്റ് ഡയറക്ടര്‍ ജിബിന്‍ ജോണ്‍, പിആര്‍ഓ എ.എസ്. ദിനേശ്, സ്റ്റില്‍സ് ലിബിസണ്‍ ഗോപി, ഡിസൈന്‍ താമിര്‍ ഓക്കെ, കൊറിയോഗ്രഫി സജ്‌ന നജാം, സംഘട്ടനം മാഫിയ ശശി.
പ്രതികരിക്കാൻ ഇവിടെ എഴുതുക: