തിരുവനന്തപുരം : നടി അഹാന കൃഷ്ണകുമാര്‍ കൊറോണയില്‍ നിന്നും രോഗമുക്തി നേടി. ഇന്‍സ്റ്റഗ്രാം പോസ്റ്റിലൂടെയാണ് അഹാന ഇക്കാര്യം അറിയിച്ചത്. ദിവസങ്ങള്‍ക്ക് മുമ്പ് കോവിഡ് ടെസ്റ്റ് നടത്തി. പരിശോധനാഫലം നെഗറ്റീവ് ആയെന്നുമാണ് അഹാനയുടെ ഇന്‍സ്റ്റഗ്രാം പോസ്റ്റ്.
പോസിറ്റീവില്‍ നിന്നും നെഗറ്റീവിലേക്കുള്ളത് ശരിക്കും ഒരു യാത്ര തന്നെയായിരുന്നു. ഇരുപതോളം ദിവസം നീണ്ട ക്വാറന്റൈന് ശേഷം തനിക്ക് പുറത്തിറങ്ങാന്‍ ആയി. എല്ലാത്തിനുമൊടുവില്‍ പറയാനുള്ളത് ഇത്ര മാത്രം- മാസ്‌ക് ധരിക്കുക, സാനിറ്റൈസര്‍ ഉപയോഗിക്കുക, സാമൂഹിക അകലം പാലിക്കുക. കൊറോണ പരിശോധന നടത്താനെത്തിയ ലാബ് ജീവനക്കാര്‍ക്കും ഇത്രയും ദിവസം സുഖ വിവരങ്ങള്‍ അന്വേഷിച്ച് അഭ്യുദയകാംക്ഷികള്‍ക്കും നന്ദി അറിയിക്കുന്നുവെന്നും അഹാന അറിയിച്ചു.
ഇക്കഴിഞ്ഞ ഡിസംബര്‍ 31 നാണ് താന്‍ കൊറോണ പോസിറ്റീവായ വിവരം ഇന്‍സ്റ്റഗ്രാം സ്റ്റോറിയിലൂടെ അഹാന പങ്കുവെയ്‌ക്കുന്നത്. രോഗബാധ സ്ഥിരീകരിച്ച് ദിവസങ്ങള്‍ക്ക് ശേഷമാണ് താരം ഇക്കാര്യം അറിയിച്ചത്. വീട്ടില്‍ തന്നെ ക്വാറന്റൈനില്‍ കഴിയുകയായിരുന്നു.
പ്രതികരിക്കാൻ ഇവിടെ എഴുതുക: