തിരുവനന്തപുരം: പക്ഷിപ്പനിയെ സംസ്ഥാന ദുരന്തമായി പ്രഖ്യാപിച്ചു. ഇതിന്റെ ഭാഗമായി അതിര്ത്തികളിലുള്പ്പെടെ ജാഗ്രതാ നിര്ദേശം പുറപ്പെടുവിച്ചു. പക്ഷിപ്പനിയെ സംസ്ഥാന ദുരന്തത്തിന്റെ പട്ടികയില് ഉള്പ്പെടുത്തിയതായി ആനിമല് ഹസ്ബന്ഡറി ഡയറക്ടര് വ്യക്തമാക്കി. പക്ഷിപ്പനി സ്ഥിരീകരിച്ച ആലപ്പുഴ ജില്ലയിലെ കാര്ത്തികപ്പള്ളി, കുട്ടനാട് താലൂക്കുകളിലും കോട്ടയം നീണ്ടൂരിലും കര്ശന നിയന്ത്രണങ്ങള് ഏര്പ്പെടുത്തും. പക്ഷിമാംസം, മുട്ട തുടങ്ങിയവ കൈമാറുന്നതുള്പ്പെടെയുള്ള നടപടികള് നിയന്ത്രിക്കും. അതേസമയം മറ്റ് ജില്ലകള്ക്ക് ഈ നിയന്ത്രണം ബാധകമല്ല. പക്ഷിപ്പനി സ്ഥിരീകരിച്ച പശ്ചാത്തലത്തില് കേരളത്തില് നിന്ന് കോഴിയും മുട്ടയും കൊണ്ടുവരുന്നതിന് തമിഴ്നാട് വിലക്കേര്പ്പെടുത്തി. തമിഴ്നാട് സര്ക്കാര് അതിര്ത്തികളില് ജാഗ്രതാനിര്ദേശം നല്കിയിട്ടുണ്ട്. മറ്റു അയല്സംസ്ഥാനങ്ങളും അതിര്ത്തിയില് ജാഗ്രത നിര്ദേശം നല്കിയിട്ടുണ്ട്.
പക്ഷിപ്പനിയെ സംസ്ഥാന ദുരന്തമായി പ്രഖ്യാപിച്ചു; കേരളത്തില് നിന്നുള്ള കോഴിക്കും മുട്ടയ്ക്കും വിലക്കേര്പ്പെടുത്തി തമിഴ്നാട്
തമിഴ്നാട് സര്ക്കാര് അതിര്ത്തികളില് ജാഗ്രതാനിര്ദേശം നല്കിയിട്ടുണ്ട്.
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.