ലണ്ടന്‍: അലക്‌സാണ്ടര്‍ ലകാസെറ്റിന്റെ ഇരട്ട ഗോളില്‍ ആഴ്‌സണിലിന് തകര്‍പ്പന്‍ വിജയം. പ്രീമിയര്‍ ലീഗില്‍ എതിരില്ലാത്ത നാലു ഗോളുകള്‍ക്ക്് വെസ്റ്റ് ബ്രോംവിച്ചിനെ പരാജയപ്പെടുത്തി. നാലു മിനിറ്റിനിടെയാണ് ലകാസെറ്റ്് രണ്ട് ഗോളുകള്‍ നേടിയത്. അറുപതാം മിനിറ്റിലും അറുപത്തിനാലാം മിനിറ്റിലും ലക്ഷ്യം കണ്ടു. കീരന്‍ ടീര്‍നി, ബുകായോ സക എന്നിവര്‍ ഓരോ ഗോള്‍ നേടി.
ഈ വിജയത്തോടെ ആഴ്‌സണല്‍ പതിനൊന്നാം സ്ഥാനത്തെത്തി. പതിനേഴ് മത്സരങ്ങളില്‍ അവര്‍ക്ക്് ഇരുപത്തിമൂന്ന് പോയിന്റുണ്ട്.
ടോട്ടനം ഏകപക്ഷീയമായ മൂന്ന് ഗോളുകള്‍ക്ക് ലീഡ്‌സ് യുണൈറ്റഡിനെ പരാജയപ്പെടുത്തി. ഹാരി കെയ്ന്‍, സണ്‍ ഹിയുങ്, ആള്‍ഡര്‍വീറെല്‍ഡ് എന്നിവരാണ് ഗോളുകള്‍ നേടിയത്. 43-ാം മിനിറ്റിലാണ് സണ്‍ ഗോള്‍ അടിച്ചത്. ടോട്ടനത്തനായി സണ്ണിന്റെ നൂറാം ഗോളാണിത്.
ക്രിസ്റ്റല്‍ പാലസ് മടക്കമില്ലാത്ത രണ്ട് ഗോളുകള്‍ക്ക് ഷെഫീല്‍ഡ് യുണൈറ്റഡിനെ തോല്‍പ്പിച്ചു. വൂള്‍വര്‍ഹാംപ്്റ്റണും ബ്രൈറ്റണും തമ്മിലുള്ള മത്സരം സമനിലയായി. ഇരു ടീമുകളും മൂന്ന് ഗോളുകള്‍ വീതം നേടി.
പ്രതികരിക്കാൻ ഇവിടെ എഴുതുക: