മര്‍ഗോവ: ഇന്ത്യന്‍ സൂപ്പര്‍ ലീഗ് ഏഴാം സീസണിന്റെ രണ്ടാം പാദ മത്സരങ്ങളുടെ ഫിക്‌സ്ച്ചര്‍ പുറത്തിറക്കി. ജനുവരി പന്ത്രണ്ടിനാണ് രണ്ടാം പാദ മത്സരങ്ങള്‍ ആരംഭിക്കുക. തിലക് മൈതാന്‍ സ്‌റ്റേഡിയത്തില്‍ അന്ന് നടക്കുന്ന മത്സരത്തില്‍ നോര്‍ത്ത്് ഈസ്റ്റ് യുണൈറ്റഡ് എഫ്‌സി ബെംഗളൂരു എഫ്‌സിയുമായി ഏറ്റുമുട്ടും.
കേരള ബ്ലാസ്‌റ്റേഴ്‌സ് രണ്ടാം പാദത്തിലെ ആദ്യ മത്സരത്തില്‍ 15 ന്് ഈസ്റ്റ് ബംഗാള്‍ കൊല്‍ക്കത്തയെ എതിരിടും. പ്ലേ ഓഫ് മത്സരങ്ങളുടെയും ഫൈനലിന്റെയും ഫിക്‌സ്ച്ചറും വേദികളും പിന്നീട് പ്രഖ്യാപിക്കും.
രണ്ടാം പാദത്തില്‍ അമ്പത്തിയഞ്ച് മത്സരങ്ങള്‍ അരങ്ങേറും. ഞായറാഴ്ചകളില്‍ രണ്ട് മത്സരങ്ങള്‍ വീതം ഉണ്ടാകും. ഈസ്റ്റ് ബംഗാളും എടികെ മോഹന്‍ ബഗാനും തമ്മിലുള്ള കൊല്‍ക്കത്ത ഡര്‍ബി ഫെബ്രുവരി 19 ന് നടക്കും. ഫെബ്രുവരി 28 ന് നടക്കുന്ന മുംബൈ സിറ്റി- എടികെ മോഹന്‍ ബഗാന്‍ മത്സരത്തോടെ ലീഗ് മത്സരങ്ങള്‍ അവസാനിക്കും.
ബ്ലാസ്‌റ്റേഴ്‌സിന്റെ മത്സരങ്ങള്‍: ജനുവരി 15: ഈസ്റ്റ് ബംഗാള്‍ – ബ്ലാസ്‌റ്റേഴ്്‌സ്്, 20: ബ്ലാസ്‌റ്റേഴ്‌സ്- ബെംഗളൂരു എഫ്‌സി, 23: ബ്ലാസ്‌റ്റേഴ്‌സ്- എഫ്‌സി ഗോവ, 27: ബ്ലാസ്‌റ്റേഴ്‌സ്- ജംഷഡ്പൂര്‍ എഫ്‌സി, 31: ബ്ലാസ്‌റ്റേഴ്‌സ്- എടികെ മോഹന്‍ ബഗാന്‍, ഫെബ്രുവരി 3: ബ്ലാസ്‌റ്റേഴ്‌സ് – മുംബൈ സിറ്റി, 11: ബ്ലാസ്‌റ്റേഴ്‌സ് – ഒഡീഷ എഫ്‌സി, 16: ബ്ലാസ്‌റ്റേഴ്‌സ് – ഹൈദരാബാദ് എഫ്‌സി, 21: ബ്ലാസ്‌റ്റേഴ്‌സ്- ചെന്നൈയിന്‍ എഫ്‌സി, 26: ബ്ലാസ്‌റ്റേഴ്‌സ് -നോര്‍ത്ത് ഈസ്റ്റ് യുണൈറ്റഡ്.
പ്രതികരിക്കാൻ ഇവിടെ എഴുതുക: