മഞ്ചേശ്വരം ഗ്രാമപഞ്ചായത്തിൽ യുഡിഎഫിന് ഭരണം നഷ്ടമായി, ബിജെപി പിന്തുണയോടെ സ്വതന്ത്രൻ പ്രസിഡന്റ്

കാസർകോട്: മഞ്ചേശ്വരം ഗ്രാമപഞ്ചായത്തിൽ ബിജെപി പിന്തുണയോടെ സ്വതന്ത്രൻ പ്രസിഡന്റായി. യുഡിഎഫിന് ഭരണം നഷ്ടമായി. 21 അംഗങ്ങളുള്ള പഞ്ചായത്തിൽ എൻഡിഎയ്‌ക്കും യുഡിഎഫിനും ആറുവീതം സീറ്റുകളാണുള്ളത്. ഇതോടെയാണ് സ്വതന്ത്രയായ ജീൻ ലവീന മൊന്തേരയെ ബിജെപി പിന്തുണ നൽകി പ്രസിഡന്റാക്കിയത്.  

ബെള്ളൂർ, മധൂർ പഞ്ചായത്തുകളിൽ ബിജെപി ഭരണം നിലനിർത്തി. ഇതിനൊപ്പം കാറടുക്ക് പഞ്ചായത്തിൽ ബിജെപി അധികാരം പിടിച്ചെടുക്കുകയും ചെയ്തിട്ടുണ്ട്. കാസർകോട് കുമ്പഡാജെ പഞ്ചായത്തിൽ എൽഡിഎഫ് സ്വാതന്ത്രന്റെ പിന്തുണയിൽ യുഡിഎഫ് ഭരണത്തിലേറി. കുമ്പഡാജെയിൽ സിപിഐ സ്വതന്ത്രൻ യുഡിഎഫിനെ പിന്തുണച്ചപ്പോൾ മീഞ്ചയിൽ സിപിഐയുടെ പ്രസിഡന്റ് സ്ഥാനാർത്ഥിയെ യുഡിഎഫ് പിന്തുണച്ചു.  

കുമ്പഡാജെയും, ബദിയടുക്കയും നറുക്കെടുപ്പിലൂടെയാണ് യുഡിഎഫിന് ലഭിച്ചത്. പൈവളിഗെയിൽ നറുക്കെടുപ്പിലൂടെ എൽഡിഎഫ് ഭരണം നിലനിർത്തി.