കോഴിക്കോട്: കേസരി ആസ്ഥാനമന്ദിരത്തോട് അനുബന്ധിച്ചുള്ള പി. മാധവ്ജിയുടെ നാമധേയത്തിലുള്ള റിസര്‍ച്ച് ലൈബ്രറിയും രാഘവീയം കേസരി ഓഫീസും ആര്‍എസ്എസ് മുന്‍ അഖില ഭാരതീയ ബൗദ്ധിക് ശിക്ഷണ്‍ പ്രമുഖ് ആര്‍. ഹരി ഉദ്ഘാടനം ചെയ്തു.
ജന്മംകൊണ്ട് തന്നെ തുല്യദിവസമായതിനാല്‍ കേസരിയുമായി തനിയ്‌ക്ക് പ്രത്യേക ബന്ധമാണ് ഉള്ളതെന്നും കേസരിയുടെ ഉദ്ഘാടനചടങ്ങിന് അനുഗ്രഹം നല്‍കാനല്ല കേസരിയുടെ അനുഗ്രഹമാണ് ആഗ്രഹിക്കുന്നതെന്നും പ്രൗഢസദസ്സിനെ സാക്ഷിനിര്‍ത്തി അദ്ദേഹം പറഞ്ഞു.
കേസരിക്ക് തുടക്കം കുറിച്ച ശങ്കരശാസ്ത്രികള്‍, പി. പരമേശ്വരന്‍, എം. രാഘവന്‍ എന്നിവരുടേയും പ്രവര്‍ത്തനത്തില്‍ സജീവ പങ്കാളികളായിരുന്ന സി.എന്‍. സുബ്രഹ്മണ്യന്‍, പി.സി.വി. രാജ, സി.എന്‍. രാമചന്ദ്രന്‍ എന്നിവരുടെ അനുഗ്രഹം കേസരിക്ക് ഉണ്ടാവട്ടെയെന്ന് പ്രാര്‍ത്ഥിക്കുന്നതായും അദ്ദേഹം പറഞ്ഞു. പ്രായാധിക്യം മൂലം ചടങ്ങിന് എത്താന്‍ കഴിയാതിരുന്ന എം എ സാര്‍, ടി.ആര്‍. സോമശേഖരന്‍ എന്നിവരുടെ കേസരിക്കുള്ള അനുഗ്രഹവും അദ്ദേഹം ചടങ്ങില്‍ അറിയിച്ചു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: