ചെന്നൈ: തീയറ്ററുകളില്‍ ആളുകളെ കയറ്റാനുള്ള നിയന്ത്രണങ്ങള്‍ എടുത്തുമാറ്റണമെന്ന് ആവശ്യപ്പെട്ടുകൊണ്ട് തമിഴ്‌നാട് മുഖ്യമന്ത്രിയെ കണ്ട് തമിഴ് സൂപ്പര്‍ സ്റ്റാര്‍ വിജയ്. തന്റെ സിനിമ മാസ്റ്റര്‍ പൊങ്കല്‍ റിലീസായി എത്തുന്ന സാഹചര്യത്തിലാണ് വിജയ് യുടെ സന്ദര്‍ശനം. നിലവില്‍ നിലനില്‍ക്കുന്ന നിയന്ത്രണങ്ങള്‍ സിനിമയുടെ ബോക്‌സോഫീസ് കളക്ഷനെ ബാധിക്കുമെന്നാണ് വിജയ്‌യുടെ പക്ഷം.
തീയറ്റര്‍ പ്രവര്‍ത്തിക്കുന്ന മുറയ്‌ക്ക് അമ്പത് ശതമാനം പേര്‍ക്കാണ് പ്രവര്‍ശനാനുമതി. ഈ നിയന്ത്രണം മാറ്റി മുഴുവന്‍ ആള്‍ക്കാരെയും പ്രവേശിപ്പിക്കണമെന്നാമാണ് വിജയ് ആവശ്യപ്പെട്ടിരിക്കുന്നത്. മുഖ്യമന്ത്രിയുടെ വസതിയില്‍ നേരിട്ടെത്തിയാണ് വിജയ് ആവശ്യം ഉന്നയിച്ചിരിക്കുന്നത്.
2021 പൊങ്കല്‍ റിലീസ് ആയി മാസ്റ്റര്‍ പുറത്തിറങ്ങുമെന്നാണ് അണിയറപ്രവര്‍ത്തകര്‍ പുറത്തുവിടുന്ന വിവരം. ലോകേഷ് കനകരാജ് സംവിധാനം ചെയ്യുന്ന സിനിമ തെന്നിന്ത്യന്‍ ഭാഷകള്‍ക്ക് പുറമേ ഹിന്ദിയിലും പ്രദര്‍ശനത്തിന് എത്തുന്നു.
പ്രതികരിക്കാൻ ഇവിടെ എഴുതുക: