ചെന്നൈ: ഷൂട്ടിങ് സെറ്റില്‍ രണ്ട് പേര്‍ക്ക് കൊറോണ വൈറസ് രോഗബാധ സ്ഥിരീകരിച്ചതിനെ തുടര്‍ന്ന് നടന്‍ രജനീകാന്തിനെ ആശുപത്രിയില്‍ പ്രവേശിപ്പിച്ചു. ഹൈദരാബാദിലെ അപ്പോളോ ആശുപത്രിയിലാണ് പ്രവേശിപ്പിച്ചിരിക്കുന്നത്.
പുതിയ ചിത്രത്തിന്റെ ഷൂട്ടിങ്ങിനായി കഴിഞ്ഞ പത്ത് ദിവസത്തോളമായി രജനീകാന്ത് ഹൈദരാബാദില്‍ എത്തിയിരിക്കുകയായിരുന്നു. തുടര്‍ന്ന് സെറ്റിലെ രണ്ടുപേര്‍ക്ക് കൊറോണ സ്ഥിരീകരിച്ചതിനാല്‍ മുന്‍കരുതലായി അദ്ദേഹത്തെ ആശുപത്രിയില്‍ പ്രവേശിപ്പിക്കുയായിരുന്നു.
രജനികാന്തിന്റെ കൊറോണാ പരിശോധനഫലം നെഗറ്റീവാണ്. എങ്കിലും അദ്ദേഹത്തിന്റെ രക്തസമ്മര്‍ദ്ദത്തില്‍ നിരന്തരം ഏറ്റക്കുറച്ചിലുകള്‍ കാണുന്നതിനാല്‍ ആശുപത്രിയില്‍ തുടരാനാണ് ഡോക്ടര്‍മാര്‍ നിര്‍േദ്ദശിച്ചിരിക്കുന്നത്. അദ്ദേഹം നിരീക്ഷണത്തില്‍ തുടരുകയാണെന്നും നിലവില്‍ ആശങ്കപ്പെടാന്‍ ഒന്നുമില്ലെന്നും ആശുപത്രി വൃത്തങ്ങള്‍ പത്രക്കുറിപ്പിലൂടെ അറിയിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: