ഫറ്റോര്‍ഡ: ഐഎസ്എല്ലില്‍ ഒഡീഷ എഫ്‌സി-നോര്‍ത്ത് ഈസ്റ്റ് യുണൈറ്റഡ് മത്സരം സമനിലയില്‍. ഇരു ടീമുകളും രണ്ട് ഗോളുകള്‍ വീതം നേടി. ഒഡീഷക്കായി ഡീഗോ മൗറീഷ്യോയും കോള്‍ അലക്‌സാണ്ടറും വല കുലുക്കി. 22-ാം മിനിറ്റിലായിരുന്നു മൗറീഷ്യോയുടെ ഗോള്‍. ആദ്യ പകുതിയുടെ അധിക സമയത്ത് ബെഞ്ചമിന്‍ ലാമ്പോട്ട് നോര്‍ത്ത് ഈസ്റ്റിനായി ഗോള്‍ നേടി.
രണ്ടാം പകുതിയുടെ തുടക്കത്തില്‍ പെനാള്‍റ്റിയിലൂടെ ഗ്വിസ് അപ്പിയ നോര്‍ത്ത്ഈസ്റ്റിനെ മുന്നിലെത്തിച്ചു. രണ്ട് മിനിറ്റുകള്‍ക്കിപ്പുറം കോള്‍ അലക്‌സാണ്ടര്‍ ഒഡീഷയെ ഒപ്പമെത്തിച്ചു. തുടര്‍ പരാജയങ്ങള്‍ക്ക് ശേഷമാണ് ഒഡീഷയ്‌ക്ക് സമനില ലഭിച്ചത്.
ഇടയ്‌ക്ക് പരുക്കന്‍ കളിയിലേക്ക് നീങ്ങിയ മത്സരത്തില്‍ ആകെ എടുത്തത് ഏഴ് യെല്ലോ കാര്‍ഡുകള്‍.
പ്രതികരിക്കാൻ ഇവിടെ എഴുതുക: