ടൂറിന്‍: സൂപ്പര്‍ സ്‌ട്രൈക്കര്‍ ക്രിസ്റ്റിയാനോ റൊണാള്‍ഡോയുടെ ഇരട്ട ഗോളില്‍ യുവന്റസിന് തകര്‍പ്പന്‍ വിജയം. സീരീ എയില്‍ മടക്കമില്ലാത്ത നാലു ഗോളുകള്‍ക്ക് പാര്‍മയെ പരാജയപ്പെടുത്തി.
കഴിഞ്ഞ മത്സരത്തില്‍ അറ്റ്‌ലാന്‍ഡക്കെതിരെ പെനാല്‍റ്റി നഷ്ടപ്പെടുത്തിയ റൊണാള്‍ഡോ പാര്‍മക്കെതിരെ മിന്നുന്ന പ്രകടനമാണ് കാഴ്ചവച്ചത്്.26, 48 മിനിറ്റുകളില്‍ ഗോള്‍ നേടി ഡബിള്‍ തികച്ചു. കുലുസേവ്‌സ്‌കിയും മൊറാട്ടയും ഓരോ ഗോള്‍ നേടി.
സീരീ എയില്‍ ഇതുവരെ തോല്‍വിയറിയാത്ത യുവന്റസ് ഈ വിജയത്തോടെ പോയിന്റ് നിലയില്‍ മൂന്നാം സ്ഥാനത്തേക്ക്് ഉയര്‍ന്നു. പതിമൂന്ന് മത്സരങ്ങളില്‍ യുവന്റസിന് ഇരുപത്തിയേഴ്‌സ് പോയിന്റുണ്ട്. പന്ത്രണ്ട് മത്സരങ്ങളില്‍ 28 പോയിന്റുമായി മിലാനാണ് ഒന്നാം സ്ഥാനത്ത്്. ഇന്റര്‍ പന്ത്രണ്ട് മത്സരങ്ങളില്‍ 27 പോയിന്റുമായി രണ്ടാം സ്ഥാനത്ത് നില്‍ക്കുന്നു.
പ്രതികരിക്കാൻ ഇവിടെ എഴുതുക: