തിരുവനന്തപുരം : തദ്ദേശ തെരഞ്ഞൈടുപ്പില് ബിജെപിക്ക് മുന്നേറ്റം ഉണ്ടാക്കാന് ആയതില് സംസ്ഥാന ഘടകത്തിന് അഭിനന്ദനവുമായി ദേശീയ അധ്യക്ഷന് ജെ.പി. നദ്ദ. തദ്ദേശ തെരഞ്ഞെടുപ്പിനായി സംസ്ഥാന അധ്യക്ഷന് കെ. സുരേന്ദ്രന്റെ നേതൃത്വത്തിലുള്ള ബിജെപി പ്രവര്ത്തകര് അക്ഷീണം പ്രയത്നിച്ചു. പ്രവര്ത്തനങ്ങള്ക്ക് ഫലം കണ്ടതായും നദ്ദ അഭിനന്ദിച്ചു.
മെച്ചപ്പെട്ട ഫലം നല്കിയതിന് കേരളത്തിലെ ജനങ്ങള്ക്ക് നന്ദി. സംസ്ഥാന സര്ക്കാരിന്റെ അഴിമതി തുറന്നുകാട്ടുന്നത് തുടരും. എല്ഡിഎഫ്, യുഡിഎഫ് മുന്നണികളുടേയും വര്ഗ്ഗീയ രാഷ്ട്രീയത്തിനെതിരെയുള്ള പോരാട്ടും ഇനിയും തുടരുമെന്നും നദ്ദ ട്വിറ്ററിലൂടെ അറിയിച്ചു.
അതേസമയം തദ്ദേശ തെരഞ്ഞെടുപ്പില് എല്ഡിഎഫും യുഡിഎഫും ക്രോസ് വോട്ട് ചെയ്തായി കെ. സുരേന്ദ്രന് ആരോപിച്ചു. എല്ഡിഎഫുമായി എന്ത് ധാരണയാണ് ഉണ്ടാക്കിയതെന്ന് ഉമ്മന്ചാണ്ടിയും രമേശ് ചെന്നിത്തലയും വ്യക്തമാക്കണം. യുഡിഎഫിന് വിശ്വാസ്യതയില്ലാത്ത നേതൃത്വമായതുകൊണ്ടാണ് എല്ഡിഎഫ് നേട്ടമുണ്ടാക്കിയതെന്നും കെ. സുരേന്ദ്രന് ആരോപിച്ചു.
