വിസെന്‍സ: അന്തരിച്ച ഇറ്റാലിയന്‍ ഫുട്‌ബോള്‍ ഇതിഹസം പൗലോ റോസിയുടെ സംസ്‌കാര ചടങ്ങിനിടെ അദ്ദേഹത്തിന്റെ വീട്ടില്‍ മോഷണം. 1982 ലെ ലോകകപ്പില്‍ ഇറ്റലിക്ക് കിരീടം നേടിക്കൊടുത്ത റോസി കഴിഞ്ഞ വ്യാഴാഴ്ചയാണ് അന്തരിച്ചത്.
കഴിഞ്ഞ ദിവസം വിസെന്‍സാ കത്തീഡ്രലിലാണ് സംസ്‌കാര ചടങ്ങുകള്‍ നടന്നത്. അതിനുശേഷം ടസ്‌കാനിലെ വീട്ടിലെത്തിയ റോസിയുടെ ഭാര്യ ഫെഡറിക്കയാണ് വീട്ടില്‍ മോഷണം നടന്നതായി കണ്ടെത്തിയത്. വിലപിടിപ്പുള്ള സാധനങ്ങള്‍ മോഷണം പോയതായി ഇറ്റാലിയന്‍ മാധ്യമങ്ങള്‍ റിപ്പോര്‍ട്ട് ചെയ്തു. ഫെഡറിക്കയുടെ പരാതിയെ തുടര്‍ന്ന് പോലീസ് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: