ന്യൂദല്ഹി: ശിരോമണി അകാലിദളിന്റെ മുതിര്ന്ന നേതാവ് പ്രകാശ് സിംഗ് ബാദലിന് 93-ാം ജന്മദിനാശംസകള് നേര്ന്ന് പ്രധാനമന്ത്രി നരേന്ദ്രമോദി. ഫോണിലൂടെയാണ് അദ്ദേഹത്തിന് ആശംസകള് നേര്ന്നത്. കാര്ഷിക നിയമങ്ങളില് പ്രകാശ് സിംഗ് ബാദല് കേന്ദ്രസര്ക്കാരിനെതിരെ രൂക്ഷ വിമര്ശനം തുടരുന്നതിനിടെയാണ് അദ്ദേഹത്തെ തേടി പ്രധാനമന്ത്രിയുടെ ഫോണ് കോള് എത്തിയത്.
ആശംസ അറിയിക്കാന് പ്രധാനമന്ത്രി പഞ്ചാബ് മുന് മുഖ്യമന്ത്രിയെ ഫോണിലൂടെ ബന്ധപ്പെട്ടുവെന്ന് സര്ക്കാര് വൃത്തങ്ങള് അറിയിച്ചു. സംഭാഷണത്തിന്റെ മറ്റു വിശദാംശങ്ങള് പുറത്തുവിട്ടിട്ടില്ല. രാജ്യത്തെ ഗുരുതര പ്രതിസന്ധിയിലാക്കുമെന്ന് ചൂണ്ടിക്കാട്ടി പുതിയ മൂന്ന് കര്ഷക നിയമങ്ങളും പിന്വലിക്കണമെന്ന് ബാദല് തിങ്കളാഴ്ച നരേന്ദ്രമോദിയോട് ആവശ്യപ്പെട്ടിരുന്നു.
ബിജെപിയുടെ ഏറ്റവും പഴയ സഖ്യക്ഷിയായിരുന്ന ശിരോമണി അകാലിദള് കര്ഷക നിയമങ്ങളില് പ്രതിഷേധിച്ചാണ് സെപ്റ്റംബറില് എന്ഡിഎ വിട്ടത്.
