കല്പ്പറ്റ: ജില്ലയില് 152 പ്രശ്ന ബാധിത ബൂത്തുകളാണ് ഉള്ളത്. 848 പോളിംഗ് സ്റ്റേഷനുകളാണ് തെരഞ്ഞെടുപ്പിനായി സജ്ജീകരിച്ചിട്ടുള്ളത്. 152 ബൂത്തുകളില് 69 ബൂത്തുകളിലാണ് വെബ്കാസ്റ്റിംഗ് സംവിധാനം ഏര്പ്പെത്തുന്നത്. വെബ് കാസ്റ്റിംഗ് നടത്തുവാന് സാങ്കേതിക തടസ്സമുള്ള 83 പ്രശ്ന ബാധിത ബൂത്തുകളില് വീഡിയോഗ്രാഫി നടത്തും.
തിരഞ്ഞെടുപ്പ് കമ്മീഷന് വെബ്കാസ്റ്റിംഗോ വീഡിയോഗ്രാഫിയോ ഏര്പ്പെടുത്താത്ത ബൂത്തുകളില് സ്ഥാനാര്ത്ഥികള്ക്കോ രാഷ്ട്രീയ പാര്ട്ടികള്ക്കോ സ്വന്തം ചെലവില് വീഡിയോഗ്രാഫി നടത്താന് അനുമതി തേടാം. ജില്ലയില് 99 നഗരസഭാ ഡിവിഷനുകള്ക്ക് 99 പോളിംഗ് സ്റ്റേഷനുകളും 413 ഗ്രാമപഞ്ചായത്ത് വാര്ഡുകള്ക്ക് 749 പോളിംഗ് സ്റ്റേഷനുകളും സജ്ജീകരിച്ചിട്ടുണ്ട്.
വെള്ളമുണ്ടയിലെ മൂന്നാം വാര്ഡ്, നൂല്പ്പുഴയിലെ 12ാം വാര്ഡ്, പുല്പ്പള്ളിയിലെ 15ാം വാര്ഡ് എന്നിവിടങ്ങളില് മൂന്ന് വീതം പോളിംഗ് ബൂത്തുകളുണ്ട്. ബൂത്തുകളില് ഭിന്നശേഷിക്കാര്ക്കായി റാമ്പ് സൗകര്യവും ഒരുക്കിയിട്ടുണ്ട്. ആകെ 6,25,455 വോട്ടര്മാരാണ് ജില്ലയില് സമ്മതിദാനാവകാശം വിനിയോഗിക്കുന്നത്. 3,05,915 പുരുഷന്മാരും 3,19,534 സ്ത്രീകളും ട്രാന്സ്ജെന്ഡര് വിഭാഗത്തില്പെട്ട 6 പേരും. പ്രവാസി വോട്ടര്മാര് 6 പേരുണ്ട്.
ഗ്രാമപഞ്ചായത്ത് വോട്ടര്മാര് ആകെ 5,30,894 ആണ്. പുരുഷന് 2,60,090 സ്ത്രീ 2,70,798, ട്രാന്സ്ജെന്ഡര് 6. നഗരസഭാ വോട്ടര്മാര് ആകെ 94,561 പേര്. പുരുഷന് 45,825 സ്ത്രീ 48736. ജില്ലയില് ഏറ്റവും കൂടുതല് വോട്ടര്മാരുള്ളത് താഴെയങ്ങാടിയിലാണ്. ഇവിടെ 1466 പേരാണ് വോട്ട് ചെയ്യാനുള്ളത്. നൂല്പ്പുഴ പഞ്ചായത്തിലെ 168 വോട്ടര്മാരുള്ള 12/2 നമ്പര് പോളിംഗ് സ്റ്റേഷനിലാണ് ഏറ്റവും കുറവ് വോട്ടര്മാരുള്ളത്. തവിഞ്ഞാല് പഞ്ചായത്തിലെ വാര്ഡ് 6 ല് 22 ശതമാനം വോട്ടര്മാര് തമിഴ് ഭാഷാ ന്യൂനപക്ഷ വിഭാഗക്കാരാണ്. അതിനാല് തന്നെ ഇവര്ക്കായി ബാലറ്റ് പേപ്പറില് തമിഴിലും സ്ഥാനാര്ഥികളുടെ വിവരങ്ങള് രേഖപ്പെടുത്തും.
