തൊടുപുഴ: തൊടുപുഴ ദീനദയ സേവാ ട്രസ്റ്റ് നിര്മ്മിച്ച വീടിന്റെ താക്കോല്ദാനം നടന്നു. വെള്ളിയാമറ്റം മേത്തൊട്ടി മങ്കുഴിയില് ആശ സനൂപും കുടുംബത്തിനുമാണ് ട്രസ്റ്റിന്റെ നേതൃത്വത്തില് വീട് നിര്മ്മിച്ച് കൈമാറിയത്.
ഭവനത്തില് നടന്ന ചടങ്ങില് വീട് നിര്മ്മിക്കാന് സാമ്പത്തിക സഹായം നല്കിയ തിരുവാണിയൂര് ആപ്റ്റീവ് കണക്ഷന് സിസ്റ്റംസ് ഇന്ഡ്യ പ്രൈവറ്റ് ലിമിറ്റഡ് കമ്പനി എംഡി രമേശ് നായര് താക്കോല് കൈമാറി.
ട്രസ്റ്റ് ചെയര്മാന് പ്രൊഫ. പി.ജി. ഹരിദാസ് അദ്ധ്യക്ഷനായ ചടങ്ങില് ശരിമല അയ്യപ്പ സേവാസമാജം ദേശീയ ഉപാദ്ധ്യക്ഷന് സ്വാമി അയ്യപ്പദാസ് അനുഗ്രഹ സന്ദേശം നല്കി. ചീഫ് എക്സിക്യൂട്ടീവ് ട്രസ്റ്റീ കെ.പി. വേണു ഗോപാല്, വൈസ് പ്രസിഡന്റ് കെ.പി. ജഗതീഷ് ചന്ദ്ര എന്നിവര് സംസാരിച്ചു. ഇടക്കുന്ന് മലയുടെ അടിവാരത്ത് നിന്ന് 400 മീറ്ററോളം മുകളിലാണ് വീടിരിക്കുന്ന സ്ഥലം. ഷെഡില് ജീവിച്ചിരുന്ന അഞ്ചംഗ കുടുംത്തിന്റെ ദുരിതം അറിഞ്ഞതാണ് ട്രസ്റ്റ് അംഗങ്ങള് സഹായവുമായെത്തിയത്.
